(வ-று.) குருசீர், மக்காள். (126)

இதுவுமது

584. அயனெடி தாயி னியல்பா கும்மே.

(இ-ள்.) ஈற்றயலெழுத்து நெட்டெழுத்தாயின் இயல்பாய் விளிக்கும்.

(வ-று.) பெண்பால், கோமாள். (127)

ஆள் என்பது விளியேற்குமாறு

585. ஆளெ னிறுதிப் பண்புப் பெயரும்
     வினைப்பெயர்க் கிளவியு மாயொடு விளிக்கும்.

(இ-ள்.) ஆளீற்றுப் பண்புப் பெயரும் வினைப்பெயரும் ஆயாக விளிக்கும்.

(வ-று.) கரியாள், கரியாய்; நின்றாள், நின்றாய் எனவரும். (128)

முறைப்பெயர் விளியேற்குமாறு

586. 1 முறைப்பெயர்க் கிளவி முறைப்பெய ரியல.

(இ-ள்) ளகாரவீற்று முறைப்பெயர் னகாரவீற்று முறைப் பெயரைப் போல ஏகாரம்
பெற்று விளிக்கும்.

(வ - று.) மகள், மகளே எனவரும். (129)

விளியேலாப் பெயர்கள்

587. யாவ ளவளிவ ளுவள்விளி யாவே.

(இ-ள்.) யாவள், அவள், இவள், உவள், விளியேலாவாம். (130)

அளபெடைப் பெயர் விளியேற்குமாறு

588. அளபெடைப் பெயரே யளபெடை யியல.

(இ-ள்.) ல ள க்களீறாகிய வளபெடைப் பெயர் நீண்டு விளிக்கும்.

1. தொல் - சொல் - 147.