அவ்  விரண்டும்,  அங்காந்து  இயலும்  -  அங்காந்து கூறும் முயற்சியாற்
பிறக்கும் என்றவாறு.
 

முயற்சி   உயிர்க்கிழவன்கண்ணது.  அ  ஆ என இவற்றின் வேறுபாடு
உணர்க.
 

86.

இதுவும் அது.
 

இதன் பொருள்: இ ஈ எ ஏ ஐ என இசைக்கும் அப்பாலைந்தும் - இ
ஈ எ ஏ ஐ என்று கூறப்படும் அக் கூற்று ஐந்தும், அவற்றோரன்ன - அகர
ஆகாரங்கள்போல அங்காந்து  கூறும்  முயற்சியாற்  பிறக்கும்,  அவைதாம்
அண்பல் முதல் நா  விளிம்பு  உறல்  உடைய -  அவைதாம்  அங்ஙனம்
பிறக்குமாயினும்   அண்பல்லும்    அடிநாவிளிம்பும்    உறப்    பிறக்கும்
வேறுபாடுடைய என்றவாறு.
 

அண்பல்  வினைத்தொகை.   எனவே,    நாவிளிம்பு   அணுகுதற்குக்
காரணமான  பல்லென்று  அதற்கோர்  பெயராயிற்று.  இ ஈ எ ஏ ஐ  என
இவற்றின் வேறுபாடு உணர்க.
 

87.

இதுவும் அது.
 

இதன் பொருள்: உ ஊ ஒ ஓ ஒள என இசைக்கும் அப்பாலைந்தும் -
உ ஊ ஒ ஓ ஒள என்று சொல்லப்படும் அக் கூற்று ஐந்தும், இதழ் குவிந்து
இயலும் - இதழ் குவித்துக் கூறப் பிறக்கும் என்றவாறு.
 

உ ஊ ஒ ஓ ஒள என இவற்றின் வேறுபாடு உணர்க.
 

88.

இது  முற்கூறிய  உயிர்க்கும்  மேற்கூறும்  மெய்க்கும் பொதுவிதி கூறிச்
சிங்கநோக்காகக் கிடந்தது.