புள்ளியீறு   முற்கூறாததனானே   குறுணிநானாழி    ஐந்நாழியுழக்கு  என
ஏகாரமின்றி வருவனவுங் கொள்க.
 

165.

இஃது எய்தியது விலக்கிற்று.
 

இதன் பொருள்:     அரையெனவரூஉம்     பால்வரைகிளவிக்கு  -
அம்மூவகைச்சொன்   முன்னர்   வரும்  அரையென்று சொல்ல வருகின்ற
பொருட்கூற்றை உணரநின்ற சொல்லிற்கு,  சாரியையியற்கை   புரைவதன்று
- ஏயென்சாரியை பெறுந்தன்மை பொருந்துவதன்று என்றவாறு.
 

ஆல் அசை.
 

உதாரணம் : உழக்கரை  செவிட்டரை  மூவுழக்கரை  எனவும், கஃசரை
கழஞ்சரை தொடியரை கொள்ளரை எனவும்,  ஒன்றரை  பத்தரை  எனவும்
இவை  ஏயென்  சாரியை  பெறாவாய்  வந்தன.   புரைவதன்றென்றதனாற்
கலவரையென்பதனை ஒற்றுக்கெடுத்துச் செய்கைசெய்து  முடிக்க. இதனானே
¹செவிட்டரை  யென்புழி   டகரவொற்று  மிகுதலுங்   கொள்க.  'ஒட்டுதற்
கொழுகிய வழக்கு'   (எழு - 132)  அன்மையிற்  சாரியை   பெறாவாயின
வென்றாலோவெனின் அவை பெற்றும்  பெறாதும் வருவனவற்றிற்குக் கூறிய
தாகலானும்      இது       'தம்மகப் பட்ட'       (எழு - 164)    என
வரைந்தோதினமையானும் விலக்கல் வேண்டிற்று.
 

(23)
 

166.

இஃது எய்தியதுவிலக்கிப்  பிறிதுவிதி  வகுக்கின்றது,  ஏயென்  சாரியை
விலக்கி வேற்றுமை முடிபினோடு மாட்டெறிதலின்.

1. செவிட்டரை   என்பது  -   'தம்மகப்பட்ட   முத்தை  வருங்காலந்
தோன்றின் ஒத்ததென்ப.............ஏயென்சாரியை' என்பதனால் செவிட்டேயரை
என ஏ என்சாரியை  பெற்று  வரவேண்டும்.   அங்ஙனம்  பெறவேண்டிய
இடத்துப் பெறாது செவிட்டரை என  நிற்றலின்,  இதற்கு  இச்  சூத்திரவிதி
வேண்டியதாயிற்று.   பெறாமல்    வருவனவற்றிற்கே   ஒட்டுதற்கொழுகிய
வழக்கன்று  என்னும்விதி   கொள்ளப்படும்.   ஆதலின்  இது   அதனாற்
கொள்ளப்படாதென்க.