196.

இஃது  அக்   குற்றிய   லுகரங்களுட்    சிலவற்றிக்கு    இனவொற்று
மிகுமென்கின்றது.
 

இதன் பொருள் :  நெட்டெழுத்திம்பர்    ஒற்றுமிகத்    தோன்றும் -
நெட்டெழுத்தின்பின்னர்  வருகின்ற   குற்றுகரங்கட்கு  இனவொற்று  மிகத்
தோன்றாநிற்கும்,  அப்பால்    மொழிகள்  அல்வழி   ஆன   -   ஒற்று
மிகத்தோன்றாத  கசதபக்கள்  ஈறாகிய   மொழிகள்   அல்லாத   இடத்து
என்றவாறு.
 

எனவே, டகார றகாரங்கள் ஈறான சொல்லிடைத் தோன்றுமாயிற்று.
 

உதாரணம் : யாட்டை  யாட்டொடு  யாட்டுக்கு  யாட்டின்  யாட்டது
யாட்டுக்கண்  எனவும், யாற்றை  சோற்றை எனவும்  இனவொற்று  மிக்கன.
இவை அப்பால்மொழிகள் அல்லன.
 

நாகு காசு போது காபு என்றாற்போல்வன அப்பால் மொழிகள் : அவை
இனவொற்று மிகாவாயின.
 

197.

இஃது எய்தியது விலக்கிற்று.
 

இதன் பொருள் :அவைதாம் இயற்கைய ஆகுஞ் செயற்கைய என்ப -
அங்ஙனம்  இனவொற்று  மிகுவனதாம்  இன்சாரியை  பெறாது  இயல்பாக
முடியுஞ் செய்தியையுடைய வென்று கூறுவர் ஆசிரியர் என்றவாறு.
 

உதாரணம் :முன்னர்க் காட்டினவே கொள்க.
 

செயற்கைய     என்ற    மிகையானே     உயிர்த்தொடர்மொழிகளில்
ஏற்பனவற்றிற்கும்   ஒற்று    மிகத்   தோன்றுதல்   கொள்க.   முயிற்றை
முயிற்றொடு  முயிற்றுக்கு  முயிற்றின் முயிற்றது  முயிற்றுக்கண் என வரும்.
இன்னும்    இதனானே   யாட்டினை    முயிற்றினை    என   விலக்கிய
இன்பெறுதலுங் கொள்க.
 

198.

இது குற்றுகர ஈற்று எண்ணுப்பெயர் முடிபு கூறுகின்றது.