220.

இஃது  ஈற்று  வல்லெழுத்தும்   வற்றும்  வகுத்தலின்  எய்தியதன்மேற்
சிறப்புவிதி கூறுகின்றது.
 

இதன் பொருள் : பலவற்றிறுதி  -  பல்ல  பல  சில  உள்ள  இல்ல
என்னும் பலவற்றை யுணர்த்தும் அகர ஈற்றுச் சொற்களின் இறுதி, உருபியல்
நிலையும் - உருபியற்கண்  வற்றுப் பெற்றுப்  புணர்ந்தாற்போல  உருபினது
பொருட் புணர்ச்சிக் கண்ணும் வற்றுப்பெற்றுப் புணரும் என்றவாறு.
 

ஈற்று வல்லெழுத்து அதிகாரத்தாற் கொள்க.
 

உதாரணம் : பல்லவற்றுக்கோடு   பலவற்றுக்கோடு  சிலவற்றுக்கோடு
உள்ளவற்றுக்கோடு  இல்லவற்றுக்கோடு, செதிள்  தோல்  பூ  என ஒட்டுக.
உருபு விரிந்துழி நிற்குமாறு போலன்றி  அவ்வுருபு தொக்கு ¹அதன்பொருள்
நின்று  புணருங்கால்  வேறுபாடு  உடைமையின் அவ்வேறுபாடுகள் ஈண்டு
ஓதினார் இத்துணையு மென்று உணர்க.
 

221.

இஃது ஆகார ஈற்றுப்பெயர் அல்வழிக்கண் முடியுமாறு கூறுகின்றது.
 

இதன் பொருள்:ஆகார இறுதி அகர இயற்று - ஆகார ஈற்றுப்பெயர்
அல்வழிக்கண்   அகர  ஈற்று  அல்வழியது  இயல்பிற்றாய்  வல்லெழுத்து
வந்துழித் தத்தம் ஒத்த ஒற்று இடைமிகும் என்றவாறு.
 

உதாரணம் :  மூங்காக்கடிது  தாராக்கடிது  சிறிது  தீது  பெரிது  என
ஒட்டுக.
 

222.

இஃது ஆகார ஈற்று வினைச்சொன் முடிபு கூறுகின்றது.
 

இதன் பொருள்:செய்யா என்னும் வினையெஞ்சு கிளவியும் - செய்யா
வென்னும்   வினையெச்சமாகிய    சொல்லும்   உம்மையாற்   பெயரெச்ச
மறையாகிய சொல்லும், அவ்வியல் திரியாது 

1. அதன்   பொருள்   -   உருபின்   பொருள்.  பொருள்   என்றது
வருமொழியை வருமொழிபற்றியே பொருளுணரப்படும்.