யிடன் உடைத்து - அகரத்தோடு கூடிநிற்கும் இடனும் உடைத்து என்றவாறு.
 

இடனுடைத்  தென்றவதனால்   வன்கண  மொழிந்த   கணத்து   இம்
முடிபெனக் கொள்க.
 

உதாரணம் : 'ஆனநெய்  தெளித்து  நான  நீவி','ஆனமணி கறங்குங்
கானத்  தாங்கண்'   என   வரும்,  அகரமொடும்   என்ற   உம்மையால்
அகரமின்றி  வருதலே  பெரும்பான்மை.  ஆனெய்  தெளித்து  ஆன்மணி
ஆன்வால் என வரும்.
 

233.

இஃது ஆனென்பதற்கு எய்தியது விலக்கிப் பிறிதுவிதி கூறுகின்றது.
 

இதன் பொருள் : ஆன்முன் வரூஉம்  ஈகார பகரம் - ஆனென்னுஞ்
சொன்முன்னர் வருமொழியாய்  வருகின்ற  ஈகாரத்தோடு கூடிய பகரமாகிய
மொழி,   தான்  மிகத்  ¹தோன்றி  -  அப் பகரமாகிய  தான் மிக்கு நிற்ப
நிலைமொழி  னகரத்திற்குக்  கேடுதோன்றி, குறுகலும்  உரித்து  -  ஈகாரம்
இகரமாகக் குறுகி நிற்றலும் உரித்து என்றவாறு.
  

உதாரணம் :ஆப்பி என வரும்.
 

உம்மை எதிர்மறை யாகலான் ஆன்பீ என்றுமாம்.
 

234.

இஃது ஆகார ஈற்றுட் சிலவற்றிற்குச் செய்யுண் முடிபு கூறுகின்றது.
 

இதன் பொருள் : குறியதன்  இறுதிச்  சினைகெட  - குற்றெழுத்தின்
இறுதிக்கண்   நின்ற    ஆகாரத்தினது   இரண்டு   மாத்திரையில்   ஒரு
மாத்திரை கெட்டு அஃது அகரமாய் நிற்ப, உகரம் அறியவருதல் செய்யுளுள்
உரித்து  -  ஆண்டு  உகரம்  புலப்பட  வருதல்  செய்யுளிடத்து  உரித்து
என்றவாறு.

1. தோன்றி என்பதை இலேசாகக் கொண்டு னகரத்திற்குக் கேடு கூறுவர்
உரையாசிரியர். அதுவே பொருத்தமாம்.