இதன் பொருள்:புளிமரக் கிளவிக்கு அம்மே சாரியை - சுவையன்றிப்
புளியென்னும்  மரத்தினை உணரநின்ற சொல்லிற்கு அம்மென்னுஞ் சாரியை
வரும் என்றவாறு.
 

உதாரணம் :புளியங்கோடு செதிள் தோல் பூ என வரும்.
 

சாரியைப்   பேற்றிடை    முன்னர்ச்    சூத்திரத்து    ¹எழுத்துப்பேறு
கூறியவதனால் அம்முப்பெற்றுழி இயைபு வல்லெழுத்து வீழ்க்க.
 

245.

இது  வல்லெழுத்து  விலக்கி  மெல்லெழுத்து   விதித்தலின்  எய்தியது
விலக்கிப் பிறிதுவிதி வகுத்தது.
 

இதன் பொருள் :ஏனைப் புளிப்பெயர் மெல்லெழுத்து மிகும்  - அம்
மரப்பெயரன்றிச்  சுவைப்புளி  உணர  நின்ற  பெயர் வல்லெழுத்து மிகாது
மெல்லெழுத்து மிக்கு முடியும் என்றவாறு.
 

உதாரணம் : புளிங்கூழ்  சாறு தயிர்  பாளிதம்  என வரும். பாளிதம்
பாற்சோறு. இவற்றிக்கு இரண்டாமுருபு விரிக்க.
 

246.

இஃது எய்தியதன்மேற் சிறப்புவிதி கூறுகின்றது.
 

இதன் பொருள் :  வல்லெழுத்து மிகினும்  மானமில்லை - சுவைப்புளி
மெல்லெழுத்தே   யன்றி   வல்லெழுத்து   மிக்குமுடியினுங்  குற்றமில்லை,
ஒல்வழியறிதல் வழக்கத்து  ஆன -  பொருந்தும் இடம் அறிக வழக்கிடத்து
என்றவாறு.
 

உதாரணம்:புளிக்கூழ் சாறு தயிர் பாளிதம் என வரும்.
 

ஒல்வழி   என்றதனாற்   புளிச்சாறுபோல  ஏனைய  வழக்குப்  பயிற்சி
இலவென்று கொள்க. 

1. எழுத்துப்பேறு  என்றது,   மெல்லெழுத்துப்   பெறுமென  முன்னர்ச்
சூத்திரத்து விதித்ததை.