தொழிற்   சொற்கு,   ஆன்   இடைவருதல்  ஐயமின்று  -  ஆன்சாரியை
இடைவந்து முடிதல் ஐயமின்று என்றவாறு.
 

உதாரணம் :   பரணியாற்   கொண்டான்   சோதியாற்   கொண்டான்
சென்றான் தந்தான்  போயினான் என  வரும். ஐயமின்றென்தனால் இயைபு
வல்லெழுத்து வீழ்க்க. இதற்குக் கண்ணென் உருபு விரிக்க.
 

248.

இஃது  இயைபு வல்லெழுத்தினோடு  இக்கு வகுத்தலின் எய்தியதன்மேற்
சிறப்புவிதி வகுத்தது.
 

இதன் பொருள் :¹திங்கள்  முன்வரின்  இக்கே  சாரியை - திங்களை
உணரநின்ற   இகர  ஈற்றுப்   பெயர்களின்   முன்னர்த்   தொழினிலைக்
கிளவிவரின் வருஞ்சாரியை இக்குச் சாரியையாம் என்றவாறு.
 

உதாரணம் :ஆடிக்குக்கொண்டான்  சென்றான்  தந்தான் போயினான்
என இயைபு வல்லெழுத்துக் கொடுத்து முடிக்க. இதற்குங் கண்ணென் உருபு
விரிக்க.
 

249.

இஃது ஈகார ஈற்றுப்பெயர் அல்வழிக்கண் முடியுமாறு கூறுகின்றது.
 

இதன் பொருள் :ஈகார  இறுதி ஆகார இயற்று - ஈகார ஈற்றுப்பெயர்
அல்வழிக்கண்  ஆகார  ஈற்று  அல்வழியின்  இயல்பிற்றாய் வல்லெழுத்து
வந்துழி அவ் வல்லெழுத்து மிக்கு முடியும் என்றவாறு.
 

உதாரணம் :ஈக்கடிது தீக்கடிது சிறிது தீது பெரிது என வரும்.
 

250.

1. திங்கள் என்றது மாதத்தை.