இதன் பொருள் :  வேற்றுமைக்கண்ணும்  -  உகர   ஈற்றுப்   பெயர்
வேற்றுமைப்பொருட்  புணர்ச்சிக்கண்ணும், அதனோரற்று  -  அகர  ஈற்று
அல்வழியோடு  ஒருதன்மைத்தாய்  வல்லெழுத்துவந்துழி  அவ்வல்லெழுத்து
மிக்குமுடியும் என்றவாறு.
 

உதாரணம் : கடுக்காய் செதிள் தோல் பூ எனவும், கடுக்கடுமை எனவும்
வரும்.
 

(57)
 

260.

இஃது அவ்  வீற்றுள்   ஒன்றற்கு  வல்லெழுத்து   விலக்கிச்  சாரியை
விதியும்   ஒன்றற்கு   வல்லெழுத்தினோடு   சாரியை  விதியுஞ்  சாரியை
பெறாதவழி வல்லெழுத்து மெல்லெழுத்துப் பேறுங் கூறுகின்றது.
 

இதன் பொருள் :  எருவுஞ்   செருவும்    அம்மொடு   சிவணி   -
எருவென்னுஞ் சொல்லும் செருவென்னுஞ் சொல்லும் அம்முச் சாரியையோடு
பொருந்தி,  திரிபு  இடனுடைய  தெரியுங்காலை - அதிகார வல்லெழுத்துப்
பெறாமல்   திரியும்   இடனுடைய   ஆராயுங்காலத்து,  அம்மின்  மகரஞ்
செருவயிற்  கெடும்  -  ஆண்டு   அம்முச்சாரியையினது  ஈற்றின் மகரஞ்
செருவென்னுஞ்  சொல்லிடத்துக்  கெட்டுமுடியும், வல்லெழுத்து  மிகூஉம் -
ஆண்டுச்  செருவின்கண்   வல்லெழுத்து   மிக்கு முடியும், இயற்கைத் தம்
ஒற்று மிகூஉம்  - அம்முப்  பெறாதவழி  இரண்டிற்குந்  தமக்கு இனமாகிய
வல்லொற்றும் மெல்லொற்றும் மிக்கு முடியும் என்றவாறு.
 

உதாரணம் : எருவென  நிறுத்திக் குழி சேறு  தாது பூழி  எனத் தந்து
அம்முக்கொடுத்து   'அம்மி   னிறுதி   கசதக்   காலை'   (எழு  -  129)
என்பதனால்  எருவங்குழி  சேறு  தாது  பூழி  யென முடிக்க.  செருவென
நிறுத்திக் களம்  சேனை தானை பறை எனத்தந்து இடை அம்முக்கொடுத்து
மகரங் கெடுத்து வல்லெழுத்துக்  கொடுத்துச் செருவக்களம் சேனை தானை
பறையென முடிக்க. இனி அம்முப் பெறாதவழி எருக்குழி எருங்குழி