எடுத்தோதி    முடிப்பாராதலின்    அம்முடிபு    பெறாமையின்  ¹ஈற்றுப்
பொதுவிதியான் முடியாது இலேசான் முடித்தாம்.
 

266.

இஃது ஊகார ஈறு வேற்றுமைக்கண் முடியுமாறு கூறுகின்றது.
  

இதன் பொருள் : வேற்றுமைக்கண்ணும் அதனோ  ரற்று - ஊகார ஈறு
வேற்றுமைப்  பொருட் புணர்ச்சிக்கண்ணும்  ஆகார ஈற்று   அல்வழிபோல
வல்லெழுத்து மிக்குமுடியும் என்றவாறு.
 

உதாரணம் : தழூஉக்கடுமை      சிறுமை      தீமை     பெருமை,
கொண்மூக்குழாம் செலவு தோற்றம் மறைவு என வரும்.
 

267.

இஃது இயைபு வல்லெழுத்தினோடு உகரம்  வகுத்தலின் எய்தியதன்மேற்
சிறப்புவிதி கூறுகின்றது.
 

இதன் பொருள்: குற்றெழுத்து இம்பரும்  -  குற்றெழுத்தின்பின் வந்த
ஊகார   ஈற்று   மொழிக்கும்,   ஓரெழுத்து   மொழிக்கும்  -   ஓரெழுத்
தொருமொழியாகிய  ஊகார  ஈற்று  மொழிக்கும்,  உகரக்  கிளவி  நிற்றல்
வேண்டும்  -  உகரமாகிய  எழுத்து   நிற்றலை   விரும்பும்   ஆசிரியன்
என்றவாறு.
 

உதாரணம் : உடூஉக்குறை செய்கை தலை புறம்  எனவும், தூஉக்குறை
செய்கை தலை புறம் எனவும் வரும்.
 

நிற்றல்  என்றதனான்   உயர்திணைப்   பெயர்க்கும்   வல்லெழுத்தும்
உகரமுங் கொடுக்க. ஆடூஉக்கை மகடூஉக்கை செவி தலைபுறம்  என வரும்.
இவை     தொகை    மரபினுள்   ²இயல்பாதல்   எய்தியவற்றை  ஈண்டு
இருவழிக்கண்ணும் முடித்தார், ஈற்றுப் பொது ஒப்புமை கண்டு.
 

1. ஈற்றுப்  பொதுவிதி   என்றது,  'ஊகார   விறுதி   யாகாரவியற்றே'
என்றதை.
 

2. இயல்பாத லெய்திய தென்றது -  தொகைமரபினுள் 11-ம் சூத்திரத்துச்
சொல்லிய விதியால் இயல்பானமையை.