இதன் பொருள் :செய்யுண்  மருங்கின்  வேட்கை  என்னும்  ஐயென்
இறுதி - செய்யுளிடத்து வேட்கையென்னும் ஐகார ஈற்றுச்சொல், அவா முன்
வரின்  -  அவாவென்னுஞ்  சொற்கு  முன்னர்   வரின்,    மெய்யொடுங்
கெடுதல் என்மனார்  புலவர் - அவ் வைகாரந்  தான்ஊர்ந்த மெய்யோடுங்
கூடக்  கெடுமென்று கூறுவர் புலவர், டகாரம் ணகாரம் ஆதல் வேண்டும் -
அவ்விடத்து  நின்ற  டகார ஒற்று  ணகார ஒற்றாய்த்  திரிதல்  வேண்டும்
என்றவாறு.
 

உதாரணம் :'வேணவாநலிய வெய்யவுயிரா' என வரும்.
 

வேட்கையாவது பொருள்கள்மேல் தோன்றும்  பற்றுள்ளம். அவாவாவது
அப்  பொருள்களைப்  பெறவேண்டுமென்று  மேன்மேல்  நிகழும் ஆசை.
எனவே, வேட்கையாலுண்டாகிய அவாவென மூன்றனுருபு விரிந்தது. இதனை
வேட்கையும் அவாவுமென அல்வழியென்பாரும் உளர்.  இங்ஙனங் கூறுவார்
¹பாறங்கல் என்பதனை அம்முக்கொடுத்து ஈண்டுமுடிப்பர். 
 

289.

இஃது ஓகார ஈற்று அல்வழிமுடிபு கூறுகின்றது.
 

இதன் பொருள் :ஓகார  இறுதி  ஏகார   இயற்று  -  ஓகார  ஈற்றுப்
பெயர்ச்சொல் ஏகார ஈற்று அல்வழியின் இயல்பிற்றாய் வல்லெழுத்த வந்துழி
அவ் வல்லெழுத்து மிக்கு முடியும் என்றவாறு.
 

உதாரணம் :ஓக்கடிது சேரக்கடிது சிறிது தீது பெரிது என வரும்.
 

290.

இஃது இடைச்சொன் முடிபு கூறலின் எய்தாத தெய்துவித்தது.
 

இதன் பொருள் :மாறுகொள்  எச்சமும்  - மாறுபாட்டினைக்கொண்ட
எச்சப்பொருண்மையை ஒழிபாகவுடைய

1. பாறாங்கல்  என 82-ஞ்  சூத்திரத்து  இலேசினான்  முடித்த அல்வழி
முடிபை, இதனோடு அம்சாரியை கொடுத்து பாறங்கல் என முடிப்பாருமுளர்
என்பது கருத்து.