301.

இஃது அதற்கு எய்தாத தெய்துவித்தது.
 

இதன் பொருள் :ஆவயின் - அவ் வெரிந் என்னுஞ் சொல் அவ்வாறு
ஈறு   கெட்டு  நின்ற   இடத்து,  வல்லெழுத்து   மிகுதலும்   உரித்து - 
மெல்லெழுத்தேயன்றி வல்லெழுத்து மிக்கு முடிதலும் உரித்து என்றவாறு.
  

உதாரணம் :வெரிக்குறை செய்கை தலை புறம் என வரும்.
 

302.

இது   நிறுத்தமுறையானே  ணகார   ஈறு   வேற்றுமைப்  பொருட்கட்
புணருமாறு கூறுகின்றது.
 

இதன் பொருள் :ணகார இறுதி - ணகார ஈற்றுப்பெயர், வல்லெழுத்து
இயையின் - வல்லெழுத்து  முதன்மொழி  வந்து  இயையின்,  டகாரமாகம்
வேற்றுமைப்  பொருட்கு  -  டகாரமாகத்  திரிந்து  முடியும்  வேற்றுமைப்
பொருட்புணர்ச்சிக்கண் என்றவாறு.
 

உதாரணம் :மட்குடம்  சாடி  தூதை  பானை  என  வரும். மண்கை
புண்கை என்பன ¹இரண்டாவதன் திரிபின் முடிந்தன.
 

கவண்கால் பரண்கால் என்பன மேல் முடித்தும்.
 

303.

இஃது  இவ்  வீற்று  விரவுப்பெயருட் சிலவற்றிற்கு எய்தியது  விலக்கிப்
பிறிதுவிதி வகுத்தது.
 

இதன் பொருள் :  ஆணும்     பெண்ணும்    -    ஆணென்னும்
விரவுப்பெயரும் பெண்ணென்னும் விரவுப்பெயரும்,  அஃறிணை இயற்கை -
தொகைமரபினுள் 'மொழிமுத லாகும்'

1. இரண்டாவதன்றிரிபு   என்றது,  தொகைமரபு  15 - ம்  சூத்திரத்தாற்
கூறிய இரண்டாம் வேற்றுமைத் திரிபை.