றுமைப் பொருட்டு - வேற்றுமைப் பொருட் புணர்ச்சிக்கண் என்றவாறு.
 

உதாரணம் : பொற்குடம் சாடி தூதை பானை எனவரும். 
 

333.
 

இஃது அவ்வீற்று அசைநிலை  இடைச்சொற்களும்  ஏழாம்  வேற்றுமை
இடப்பொருள் உணரநின்ற  இடைச்சொற்களும் வினையெச்சமும் முடியுமாறு
கூறுகின்றது.
 

இதன் பொருள் : மன்னுஞ் சின்னும் ஆனும் ஈனும் பின்னும் முன்னும்
வினையெஞ்சு  கிளவியும்  -  மன்னென்னுஞ்  சொல்லுஞ்  சின்னென்னுஞ்
சொல்லும் ஆனென்னுஞ் சொல்லும் ஈனென்னஞ் சொல்லும் பின்னென்னுஞ்
சொல்லும் முன்னென்னுஞ் சொல்லும் வினையெச்சமாகிய சொல்லும், அன்ன
இயல  என்மனார் புலவர் - முற்கூறிய  இயல்பினை  யுடையவாய்  னகரம்
றகரமாய் முடியுமென்று சொல்லுவர் புலவர் என்றவாறு.
 

உதாரணம் : 'அதுமற் கொண்கன்  றேரே' 'காப்பும் பூண்டிசிற்கடையும்
போகல்'    (அகம்-7)     எனவும்    ஆற்கொண்டான்   ஈற்கொண்டான்
பிற்கொண்டான் முற்கொண்டான் சென்றான்  தந்தான் போயினான் எனவும்,
வரிற்கொள்ளும் செல்லும் தரும் போம் எனவும் வரும்.
 

பெயராந்தன்மையாகிய  ¹ஆன்  ஈன் என்பனவற்றை  முற்கூறாததனான்
ஆன்கொண்டான் ஈன்கொண்டான் எனத் திரியாமையுங் கொள்க.
 

பின்  முன்  என்பன பெயரும்  உருபும் வினையெச்சமுமாய்  நிற்றலிற்
பெயர்   ஈண்டுக்  கூறினார்.  ஏனைய   உருபியலுள்ளும்   வினையெஞ்சு
கிளவி   யென்பதன்கண்ணும்  முடியும்.  ²அப்பெயரை   முற்கூறாததனாற்
பின்கொண்டான் முன்கொண்டான் எனத் திரியாமையுங் கொள்க.
 

இயலவென்றதனான்   ஊனென்னுஞ்   சுட்டு  ஊன்   கொண்டானென
இயல்பாய் முடிதல் கொள்க.
 

1. ஆன் - அவ்விடம். ஈன் - இவ்விடம். ஊன் - உவ்விடம்.
 

2. அப் பெயரை என்றது, பின் முன் என்பவற்றை.