உதாரணம் : மகன்றாய்க்கலாம்  செரு துறத்தல் பகைத்தல் என வரும்.
மகன் தாயோடு கலாய்த்த கலாம்  என விரியும். ஏனையவற்றிற்கும் ஏற்கும்
உருபு விரிக்க. வினை ஈண்டுப் பகை மேற்று. 
 

360.

இஃது எய்தாத தெய்துவித்தது.
 

இதன் பொருள் : மெல்லெழுத்து  உறழும்  மொழியுமாருள  -  யகர
ஈற்றுள்  அதிகார  வல்லெழுத்தினோடு   மெல்லெழுத்து  மிக்கு  உறழ்ந்து
முடிவனவும் உள என்றவாறு.
 

உதாரணம் : வேய்க்குறை  வேய்ங்குறை  செய்கை  தலை  புறம் என
வரும்.
 

(65)
 

361.

இஃது அவ் வீற்று அல்வழிக்கு எய்தாத தெய்துவித்தது.
 

இதன் பொருள் : அல்வழி எல்லாம் இயல்பென மொழிப - யகர ஈற்று
அல்வழியெல்லாம் இயல்பாய் முடியும் என்று கூறுவர் புலவர் என்றவாறு.
 

உதாரணம் : நாய்கடிது சிறிது தீது பெரிது என வரும்.
 

எல்லாமென்றதனால்   அவ்வாய்க்கொண்டான்   இவ்வாய்க்கொண்டான்
உவ்வாய்க்கொண்டான்    எவ்வாய்க்கொண்டான்    சென்றான்   தந்தான்
போயினான்  என  உருபின்  பொருள்பட முடிவனவும், தாய்க்கொண்டான்
தூய்ப்பெய்தான்   என்றாற்போலும்    வினையெச்சமும்,    பொய்ச்சொல்
மெய்ச்சொல்  எய்ப்பன்றி  என்றாற்போலும் பண்புத்தொகையும், வேய்கடிது
வேய்க்கடிது என்னும் அல்வழி யுறழ்ச்சி முடிவுங் கொள்க.
 

362.

இது நிறுத்தமுறையானே ரகார ஈற்று வேற்றுமை முடிபு கூறுகின்றது.
 

இதன் பொருள் : ரகார  இறுதி  -  ரகார  ஈற்றுப்பெயர் வேற்றுமைப்
பொருட்புணர்ச்சிக்கண், யகார இயற்று - யகார