¹பிற்கூறிய   இரண்டும்  இல்லென்னும்  வினைக்குறிப்பு முதனிலையடியாகத்
தோன்றிய பெயரெச்ச மறை தொக்கும் விரிந்தும் நின்றன.
 

இயல்பு முற் கூறாததனால் இம்முடிபிற்கு ²வேண்டுஞ்  செய்கை  செய்க.
தாவினீட்சி என்றாற்போல வேறுபட வருவனவற்றிற்கும் வேண்டுஞ் செய்கை
செய்து முடிக்க. 
 

373.

இஃது   இருவழியுந்  திரிந்தும்  உறழ்ந்தும்  வருமென   எய்தியதனை
விலக்கித் தொழிற்பெயரோடு மாட்டெறிதலிற் பிறிதுவிதி வகுத்தது.
 

இதன் பொருள் : வல்  என்   கிளவி   -   வல்லென்னுஞ்   சொல்
அல்வழிக்கண்ணும்    வேற்றுமைக்கண்ணும்,   தொழிற்பெயர்   இயற்று -
ஞகார   ஈற்றுத்   தொழிற்பெயர்   இய்லபிற்றாய்   வன்கணத்து உகரமும்
வல்லெழுத்தும்,  மென்கணத்தும்  இடைக்கணத்து   வகாரத்தும்  உகரமும்
பெற்றுமுடியும் என்றவாறு.
 

உதாரணம் : வல்லுக்கடிது  சிறிது  தீது  பெரிது  ஞான்றது  நீண்டது
மாண்டது  வலிது  எனவும், வல்லுக்கடுமை சிறுமை தீமை பெருமை ஞாற்சி
நீட்சி மாட்சி வன்மை எனவும் வரும். 
 

374.

இஃது எய்தியது விலக்கிப் பிறிதுவிதி வகுத்தது. 

1. பிற்கூறிய  இரண்டும்   என்றது,  எண்ணில்  குணம்   என்பதையும்
இல்லாக்கொற்றன்  என்பதையும்.  எண்ணில் குணம் என்பது எண்ணில்லாத
குணமென விரிதலின்  பெயரெச்சமறை தொக்கதென்றார். இல்லாக்கொற்றன்
(இல்லாத கொற்றன்) என்பது விரிந்து வந்தது ; தகர அகரம் தொக்கது.
 

2 வேண்டும்  செய்கை  என்பது  ஐ  வருமிடத்து லகர மிரட்டித்தலும்,
தாவில்+நீட்சி  என்பதில்  லகரங்  கெடுதலும்  நகரந்  திரிதலுமாம். லகரம்
கெடுதற்கு விதி தொகைமரபு 18-ம் சூத்திரத்து மிகையாற் கொள்க.