அவ்வரைமாத்திரையுந்  தனித்துக்  கூறிக்  காட்டலாகாது,  நாச்  சிறிது
புடைபெயருந்   தன்மையாய்  நிற்றலின்.  இனி அதனைச் சில மொழிமேற்
பெய்து   காக்கை   கோங்கு  கவ்வையெனக்   காட்டுப.  ¹மெய்யென்பது
அஃறிணை    யியற்    பெயராதலின்   மெய்யென்னும்    ஒற்றுமைபற்றி
அரையென்றார்.
 

12.

இது சார்பிற் றோற்றத்து மூன்றற்கும் அளவு கூறுகின்றது.
 

இதன் பொருள் : ஏனை  மூன்று  -  சார்பிற்  றோற்றத்து  மூன்றும்,
அவ்வியல் நிலையும் -முற்கூறிய அரை மாத்திரையாகிய இயல்பின்கண்ணே
நிற்கும் என்றவாறு.
 

கேண்மியா, நாகு, எஃகு என வரும்.
 

13.

இது மெய்களுள் ஒன்றற்கு எய்தியது விலக்குதல் நுதலிற்று.
 

இதன் பொருள் :இசை  இடன் மகரம்  அரையளவு குறுகலுடைத்து -
வேறோர்     எழுத்தினது     ஓசையின்கண்     மகரவொற்றுத்    தன்
அரைமாத்திரையிற்    குறுகிக்    கால்மாத்திரை     பெறுதலையுடைத்து,
தெரியுங்காலை  அருகும் - ஆராயுங்  காலத்துத்  தான் சிறுபான்மையாய்
வரும் என்றவாறு.
 

உதாரணம் : போன்ம் வரும்வண்ணக்கன் என ஒரு மொழிக்கண்ணும்
இருமொழிக்கண்ணுங் கொள்க. ²இது பிறன்கோட் கூறலென்னும் உத்தி.
 

1. மெய்கள்   எனக்   கூறவேண்டியதை   மெய்யென   ஒருமையாகக்
கூறினமையின்  அதற்கியைய  அரையென  ஒருமையாற்  கூறினாரென்பார்
மெய்யென்னும் ஒற்றுமைபற்றி அரையென்றார் என்றார்.
 

2. சார்பெழுத்து   மூன்றென்பவர்க்    கிது    கூறல்வேண்டாவாகலின்
பிறன்கோட் கூறல் என்னும் உத்தி என்றார்.