32.

இது   நெட்டெழுத்தென்றவற்றுட்   சிலவற்றிற்கு   வேறோர்  குறியீடு
கூறுகின்றது.
 

இதன் பொருள் : ஆ ஏ ஓ  அம்மூன்றும்  வினா - ஆ ஏ ஓ என்று
கூறப்பட்ட அம் மூன்றும் வினா என்னுங் குறியினையுடைய என்றவாறு.
 

இதுவும்  ஆட்சியும்  காரணமும்  நோக்கிய   குறி,  வினாப்  பொருள்
உணர்த்தலின்.
 

உதாரணம் : ¹உண்கா   உண்கே  உண்கோ  என  வரும்.  இவற்றுள்
²ஆகாரம்   இக்காலத்து   வினாவாய்  வருதலரிது.  நீயே  நீயோ என்பது
இக்காலத்து வரும். இவற்றுள் ஏ ஓ  என்பன இடைச்சொல்லோத்தினுள்ளுங்
கூறினார்,  ஏகார  ஓகாரங்கள் தரும் பொருட்டொகைபற்றி, ³இது மொழிந்த
பொருளோடொன்ற     வவ்வயின்      மொழியாததனை     முட்டின்று
முடித்தலென்னும்   உத்திக்கு   இனமாம்,   யகர   ஆகாரமும் வினாவாய்
வருதலின்.
 

(32)
 

33.

இது  பிறன்கோட்கூறலென்னும்  உத்திபற்றி  இசை  நூற்கு வருவதோர்
இலக்கணமாமாறு கூறி, அவ் விலக்கணம் இந்நூற்குங் கொள்கின்றது.

1. உண்கா - உண்பேனா ?
 

2. ஆகாரமும்   ஏகாரமும்  எனவும்  பாடம்;  அது   பொருத்தமின்று
மகாலிங்கையர் பதிப்பு நோக்குக.
 

3. மொழிந்த   பொருளோடொன்ற    வவ்வயின்   மொழியாததனையு
முட்டின்று  முடித்தலென்னு  முத்தியாவது - எடுத்தோதிய  பொருண்மைக்
கேற்றவகையா   னப்பொருண்மைக்குச்   சொல்லாத   தொன்று  கொள்ள
வைத்தல். இங்கே  எடுத்தோதிய  பொருள் வினா ஆ ஏ ஓ அம் மூன்றும்
என்பது. அவற்றோடெடுத்தோதாத   பொருள்   யா  என்பது. அதனையும்
வினாவென்று     இவ்வுத்தியாற்   கொள்க   என்றபடி     இனமென்றது
உயிர்மெய்யாதலிற் போலும்.