:: TVU ::

86	மொழிமரபு

றால், அது முன்னர்க் கூறிய இலக்கணங்களாற் பெறப்படுதலிற் பயனில் கூற்றாமென்க.
(20)
54.	அகர இகர மைகார மாகும்.

இது சிலவெழுத்துக்கள் கூடிச் சிலவெழுத்துக்கள்போல இசைக்குமென எழுத்துப்போலி கூறுகின்றது.
இதன்பொருள் : அகர இகரம் ஐகாரம் ஆகும் - அகரமும் இகரமுங் கூட்டிச்சொல்ல ஐகாரம்போல இசைக்கும், அது ¹கொள்ளற்க என்றவாறு.
போல என்றது தொக்கது.
உதாரணம் : ஐவனம் அஇவனம் எனவரும். ஆகுமென்றதனால் இஃது இலக்கணமன்றாயிற்று.
(21)
55.	அகர உகர மௌகார மாகும்.

இதுவும் அது.
இதன் பொருள் : அகர உகரம் ஒளகாரம் ஆகும் - அகரமும் உகரமும் கூட்டிச்சொல்ல ஒளகாரம்போல இசைக்கும், அது கொள்ளற்க என்றவாறு.
போல என்றது தொக்குநின்றது.
உதாரணம் : ஒளவை அஉவை எனவரும்.
(22)
56.	அகரத் திம்பர் யகரப் புள்ளியு மையெ னெடுஞ்சினை மெய்பெறத் தோன்றும்.

இதுவும் அது.
இதன் பொருள் : அகரத்திம்பர் யகரப்புள்ளியும் - அகரத்தின்பின் இகரமேயன்றி யகரமாகிய புள்ளிவந்தாலும், ஐயென் நெடுஞ்சினை மெய்பெறத் தோன்றும் - ஐயெனப்பட்ட நெட்டெழுத்தின் வடிவுபெறத் தோன்றும் என்றவாறு.

1. கொள்ளற்க என்றது பொருந்தாது, இது அக்காலத்துக் கொள்ளப்பட்டு வழங்கி வந்தமையின். இதனை நன்னூல் விருத்தியுரைகாரர் சந்தியக்கரமென்றல் பொருந்தாது. இதனை யாம் 'செந்தமி' ழில் வெளிப்படுத்திய 'போலி எழுத்து' என்னும் கட்டுரையை நோக்கித் தெளிக.