70.

இஃது ஈறாகாதென்ற ஒளகாரம் இன்னுழியா மென்கின்றது.
 

இதன் பொருள்: ஒளவும் - முன் ஈறாகாதென்ற ஒளகாரமும், கவ்வோடு
இயையின் ஆகும் - ககர வகரத்தோடு இயைந்தவழி ஈறாம் என்றவாறு.
 

உதாரணம்: கௌ  வௌ  எனவரும்.  எனவே, ஒழிந்த உயிரெல்லாந்
தாமே  நின்றும் பதினெட்டு மெய்களோடுங் கூடி நின்றும் ஈறாதல் இதனால்
பெற்றாம். இதனானே ஒளகாரம் ஏனை மெய்க்கண் வாராதென விலக்குதலும்
பெற்றாம். உயிர்  ஙகரத்தோடுகூடி  மொழிக்கு  ஈறாª மன்பது  இதனால்
எய்திற்றேனும்  அது  மொழிக்கு  ஈறாகாமை ¹தந்து  புணர்ந்துரைத்தலான்
உணர்க. இது வரையறை கூறிற்று.
 

71.

இஃது எகரந் தானேநின்ற வழியன்றி மெய்யோடு கூடினால் ஈறாகாதென
விலக்குகின்றது.
 

இதன் பொருள்: எ  என  வரும்  உயிர்மெய்  ஈறாகாது - எ என்று
கூறப்படும் உயிர் தானே ஈறாவதன்றி  யாண்டும்  மெய்களோடு  இயைந்து
ஈறாகாது என்றவாறு.
 

(38)
 

72.

இது விலக்கும் வரையறையுங் கூறுகின்றது,
 

இதன் பொருள்: ஒவ்வும்   அற்று - ஒகரமும்     முன்    சொன்ன
எகரம்போலத்  தானே   ஈறாவதன்றி  மெய்களோடு  இயைந்து  ஈறாகாது,
நவ்வலங்கடையே - நகரவொற்றோடு அல்லாத இடத்தில் என்றவாறு.
 

உதாரணம்: நொ கொற்றா 'நொ அலையனின்னாட்டைநீ' எனவரும்.
 

1. தந்து   புணர்ந்துரைத்தலான்   என்றது,  உள்பொருள்ளல்லாததனை
உள்பொருள்போலத்   தந்து   கூட்டி   உரைத்தலை.    இங்கே   உயிர்
ஙகரத்தோடு  கூடி   ஈறாவதுபோலக்  கூறியது  தந்து  புணர்த்தல். இஃது
ஒருத்தி.