கலிப்பாவின் இனம் |
| | 33. அடிவரை யின்றி யளவொத்து மந்தடி நீண்டிசைப்பிற்
கடிதலில் லாக்கலித் தாழிசை யாகுங் கலித்துறையே
நெடிலடி நான்கா நிகழ்வது நேரடி யீரிரண்டாய்
விடினது வாகும் விருத்தந் திருத்தக மெல்லியலே.
|
இ - கை. கலித்தாழிசையும் கலித்துறையும் கலிவிருத்தமும் ஆமாறுணர்த்....று.
|
'அடிவரை யின்றி யளவொத்தும் அந்தடி நீண்டிசைப்பிற் கடிதலில்லாக் கலித்
தாழிசையாகும்' எ - து - இரண்டடி முதலாய்ப் பலவடியானும் வந்து ஈற்றடி மிக்கு
ஏனையடி தம்முள் அளவொத்தும் ஒவ்வாதும் வருமெனின் அது கலித்தாழிசை
எனப்படும் எ - து.
|
[அளவொத்தும் என்ற உம்மையால் ஈற்றடி மிக்கு அல்லாத வடி அளவொத்தும்
ஒவ்வாதும் வரப்பெறுமெனக் கொள்க,]
|
'கடித லில்லாக் கலித்தாழிசை' என்று சிறப்பித்தவதனால் அவை
ஒருபொருண்மேல் மூன்றடுக்கி வருவது சிறப்புடைத்துத் தனியே வரப்பெறுமாயினும்
எனக் கொள்க.
|
| வரலாறு |
| | '(1) கொய்தினை காத்துங் குளவி யடுக்கத்தெம்
1பொய்தற் சிறுகுடி வாரனீ யைய நலம்வேண்டில்'
'ஆய்தினை காத்து மருவி யடுக்கத்தெம்
மாசில் சிறுகுடி வாரனீ யைய நலம்வேண்டில்'
'மென்றினை காத்து மிகுபூங் 2கமழ்சாரற்
3குன்றச் சிறுகுடி வாரனீ யைய நலம்வேண்டில்.'
|
இவை இரண்டடியாய் ஈற்றடி மிக்கு ஒரு பொருண் மேல் மூன்றடுக்கி
வந்தமையாற் கலித்தாழிசை.
|
|
(1) காத்தும் - காப்போம். குளவி அடுக்கத்து - காட்டு மல்லிகையையுடைய
மலைச்சாரலில் வாரல் - வாராதே. இது தோழி கூற்று.
|
|
(பி - ம்.) 1. பொய்தீர். 2. கமழ்சோலைக். 3. குன்றிற்.
|