(இ - ள்.) நீண்ட அரணினையழித்து நிரைத்த மாலையினையுடைய வேந்தன் குடுமி களைந்த மிகுதியைச் சொல்லியது எ-று.

(வ - று.)
¹பூந்தா மரையிற் பொடித்துப் புகல்விசும்பின்
வேந்தனை வென்றான் விறன்முருகன் - ஏந்தும்
நெடுமதில் கொண்டு நிலமிசையோ ரேத்தக்
²குடுமி களைந்தானெங் கோ.

(இ - ள்.) பொலிவினையுடைய சரவணப்பொய்கையில் தாமரைப் பூவிலே தோன்றி வெற்றியாலுயர்ந்த விண்ணுலகத்தில் இந்திரனைவென்றான், வெற்றியினையுடைய குமரவேள்; அழகேந்தும் உயரிய அரணைக் கைக்கொண்டு பூமியிலுள்ளோர் வாழ்த்தத் தன்மயிர்ச்சிகையைக் கூட்டி முடித்தான், எம்மன்னன் எ-று.

மதிலரசர் மணிமுடி கடந்தானென்றுமாம்.