(இ - ள்.) கயலையொத்த விழியினையுடையாள் தன் கொழுநனோடு இறந்துபட அகன்ற வழியிடத்துப் போவார் கண்டு அதிசயித்துச் சொல்லியது எ-று.

(வ - று.)
¹ஓருயி ராக வுணர்க வுடன்கலந்தார்க்
கீருயி ரென்ப ரிடைதெரியார்-போரில்
விடனேந்தும் வேலோற்கும் வெள்வளையி னாட்கும்
உடனே யுலந்த துயிர்.

(இ - ள்.) ஒரு பிராணனாக அறிக, ஒக்க மணந்தவர்க்கு; இரண்டு பிராணனென்று சொல்லுவர் நடு ஆராயாதார்; பூசலிடத்து நஞ்சைத் தாங்கும் வேலினையுடையாற்கும் விளர்த்த வளையினை யுடையாட்கும் ஒக்க விட்டது பிராணன், ஆதலால் எ-று.