(இ - ள்.) அரசன் படைவழங்கின பின்னர்க் கழல்வீரர் உயர்த்துச் சொல்லினும் முன்புசொன்ன துறையேயாம் எ-று.

(வ - று.)
துன்னருந் துப்பிற் றொடுகழலார் சூழ்ந்திருப்பத்
தன்னம ரொள்வாளென் ¹கைதந்தான் - மன்னற்கு
மண்ணகமோ வைகின்று மாலை நெடுங்குடைக்கீழ்
விண்ணகமும் வேண்டுங்கொல் வேந்து .

(இ - ள்.) கிட்டுதற்கரிய வலியினையும் கட்டிய வீரக்கழலினையுமுடையார் தன்னைச் சுற்றியிருப்பத் தனக்கு மேவும் ஒள்ளியவாளை என் ²கையிலே தந்தான்; அரசற்குப் பூமியிடமோ தங்காநின்றது , முத்தமாலை யணிந்த கொற்றக்குடைக்கீழ்; சுவர்க்கலோகத்தையும் விரும்புங்கொல் அரசன் எ-று.

³ஒருபொரு ளிருசொற் பிரிவில வரையார்" என்பதனானாம் . ⁴"ஏந்திய கொள்கையார் சீறி னிடைமுரிந்து, வேந்தனும் வேந்து கெடும்" என்பதனால், வேந்து இராச்சியமென்றுமாம் . இனி, வேற்று மன்னர்க்கு மண்ணகமோ வைகுதலில்லை; அவரை விண்ணகத்தின்கண் ஏற்றலையும் அரசன் வேண்டுங்கொலென்றுமாம் . இப்பொருட்கு மன்னர்க்கென்பது பாடம் .