ஒப்பின் முடித்தலால், ஐகார ஈறும் உடன் கூறினார் .

இயல்பு எழுவாய்த்தொடர் உம்மைத்தொகைகளிலும் மிகுதி பண்புத்தொகை, உவமைத்தொகைகளிலும் விகற்பம் சில பெயர்முன் எழுவாய்த் தொடரிலும் கொள்ளப்படும்.

1. பருத்தி குறிது , யானை கரிது என எழுவாய்த் தொடரிலும் பரணிகார்த்திகை, யானைகுதிரை என உம்மைத் தொகையிலும் வலி இயல்பாயின.

2. மாசித்திங்கள், சாரைப்பாம்பு எனப் பண்புத்தொகையிலும், காவிக்கண், பனைக்கை என உவமைத்தொகையிலும் வலி மிக்கன.

3. கிளி குறிது , கிளிக் குறிது, தினை குறிது, தினைக் குறிது என எழுவாய்த் தொடரில் விகற்பித்தன.

இயல்பு என்றது ' இயல்பினும் விதியினும்' என்னும் சூத்திரத்தால் எய்தியது ஒருவழி விலக்கல் ; மிகல் என்றது எய்தியது இகந்துபடாமைக் காத்தல் ; விகற்பம் என்றது எய்தியது விலக்கலுடன் விலக்காமை .