1. பொருளால் வருபெயர்களாவன :-
தமன் , நமன், நுமன் , எமன் என்பன கிளையால் வரு பெயர்.

ஒருவன் என்பது எண்ணால் வருபெயர் .

அவையத்தான் , அத்திகோசத்தான் என்பன குழூஉவால் வருபெயர்.

பொருளன் , பொன்னன், முடியன் என்பன முதல் என்றதனால் வருபெயர் .

2. இடத்தால் வரு பெயர்களாவன :-

வெற்பன் , பொருப்பன் என்பன குறிஞ்சித் திணையால் வருபெயர் .

மறவன் , எயினன் என்பன பாலைத் திணையால் வருபெயர் .

இடையன் , ஆயன் என்பன முல்லைத் திணையால் வருபெயர்.

ஊரன் , மகிழ்நன் என்பன மருதத் திணையால் வருபெயர்.

சேர்ப்பன் , துறைவன் என்பன நெய்தல் திணையால் வருபெயர் .

சோழியன் , கொங்கன் என்பன தேயத்தால் வருபெயர் .

கருவூரான் , மதுரையான் என்பன ஊரால் வருபெயர் .

வானத்தான் , அகத்தான் , புறத்தான் என்பன வான் முதலிய மூன்றாலும் வருபெயர்.

மண்ணகத்தான் , பாதலத்தான் என்பன முதல் என்றதனால் வருபெயர்.

3.காலத்தால் வருபெயர்களாவன :
மூவாட்டையான் , பிரபவன் என்பன வருடத்தால் வருபெயர்.

வேனிலான் , காரான் என்பன பருவத்தால் வருபெயர் .

தையான் , மாசியான் என்பன மாத்ததால் வருபெயர்.

ஆதிரையான் , ஒணத்தான் என்பன நாள்மீனால் வருபெயர்.

நெருநலான் , காலையான் என்பன ஆதி என்றதனால் வருபெயர் .

4.சினையால் வருபெயர்களாவன :-

திணிதோளன் , செங்குஞ்சியன் , வரைமார்பன் , செங்கண்ணன் , குழைக்காதன் என்பன தோள்முதலிய ஐந்து உறுப்பாலும் வருபெயர்.
சூறுந்தாளன் , நெடுங்கையன் என்பன முதல் என்றதனால் வருபெயர்.

5. குணத்தால் வருபெயர்களாவன :-
பெரியன் , சிறியன் என்பன அளவால் வருபெயர் .

அறிஞன் , புலவன் என்பன அறிவால் வருபெயர் .

பொன்னொப்பான், மணியனையான் என்பன ஒப்பால் வருபெயர்.

கூனன் , குறளன் என்பன வடிவால் வருபெயர் .

கரியன் , செய்யன் என்பன நிறத்தால் வருபெயர் .

மானுடன் , தேவன் என்பன கதியால் வருபெயர்.

அந்தணன் , வேளாளன் என்பன சாதியால் வருபெயர்.

சேரன் , சோழன் , பாண்டியன் என்பன குடியால் வருபெயர்.

ஆசிரியன் , படைத்தலைவன் என்பன சிறப்பால் வருபெயர் .

நல்லன் , தீயன் என்பன ஆதியென்றதனால் வருபெயர்.

6.தொழிலால் வருபெயர்களாவன :-

ஓதுவான் , ஈவான் என்பன ஓதல் முதலாகிய இரண்டாலும் வருபெயர்.

கணக்கன் , தச்சன் என்பன ஆதி என்றதனால் வருபெயர்.

7.சுட்டால் வருபெயர் முதலானவை :-

அவன் இவன் , உவன் என்பன சுட்டு இடைச்சொல்லால் வருபெயர் .

எவன் , ஏவன் , யாவன் என்பன வினா இடைச்சொல்லால் வருபெயர்.

பிறன் , மற்றையான் என்பன பிற மற்று என்பவற்றால் வருபெயர்.

8.நம்பி முதலாகிய ஏழு பெயர்களும் உரைக்கிடையில் காண்க :

இன்னன என்றதனால் , வில்லி , வாளி, கிள்ளி, சென்னி , ஏந்தல் , செம்மல் , ஏனாதி , காவிதி , குடுமி , அண்ணல் என உயர்திணை ஆண்பால் பொருள் குறித்து வருவன எல்லாம் கொள்க.

சுட்டு, வினா, பிற, மற்று என்னும் இந்நான்கு இடைச்சொல்லையும் பற்றி வரும் பெயர்கள், பொருள் ஆதி ஆறனுள்ளே, சொல்லுவான் குறிப்பின்படி , ஒன்றில் அடங்கும்.