| ஆ முன் பகர ஈ அனைத்தும் வரக்குறுகும் = ஆ என்னும் பெயர் முன் நின்ற பகர ஈகாரம் இரு வழியும் நாற்கணமும் வரின் குறுகும் , அல்வழி மேலன இயல்பு ஆகும் = குறுகி விதி இகர ஈறாக நின்ற அதன்மேல் வரும் வல்லினம் அல்வழியிலே மேலைச் சூத்திரத்துள் கூறிய விதி மூன்றனுள் இயல்பைப் பெறும் . பகரவீ என்றது இடக்கரடக்கல் ; வரும் சூத்திரத்தில் பவ்வீ என்பதும் அது, இடக்கர் என்பது சபையிலே சொல்லத்தகாத சொல். இடக்கர், அவையல்கிளவி என்பன ஒரு பொருட் சொற்கள். இடக்கரடக்கல் என்பது சொல்லத்தகாத சொல்லை அவ் வாய்பாடு மறைத்துப் பிற வாய்பாட்டால் சொல்லல் . ஆப்பி யரிது, ஆப்பி குளிரும், ஆப்பி நன்று, ஆப்பி வலிது எனவும், ஆப்பி யருமை, ஆப்பி குளிர்ச்சி, ஆப்பி நன்மை, ஆப்பி வன்மை எனவும் வரும். 'ஆ முன் பகரவீ அனைத்தும் வரக்குறுகும்' என்றது எய்தாதது எய்வித்தல் ; அஃது எய்திய வழி வரும் வல்லினம் 'அல்வழியில் இயல்பாகும் ' என்றது மேலைச் சூத்திரத்தால் எய்தியது. இகந்துபடாமைக் காத்தல்.
|