1. பாண்குடி , உமண்குடி எனவும் ,
அமண்குடி எனவும் ,
பரண்கால் எனவும்,
கவண்கல் எனவும் வேற்றுமையிலும் இயல்பாயிற்று . [பாண் - பாடுதல் தொழிலுடையதொரு சாதி . உமண் - உப்பமைத்தல் தொழிலுடைய தொரு சாதி . அமண் -அருகனை வழிபடுவதொரு கூட்டம் . ]

2. எண் + கடிது = எட்கடிது , சாண் + கோல் = சாட்கோல் என அவ்வழியிலும் திரிந்தது . டவ்வாகலுமாம் என்ற உம்மையால் , எண்கடிது , சாண்கோல் என இயல்பாதலே சிறப்பாம் . பிற என்ற மிகையால் வேற்றுமையில் , பாணக்குடி என அகரச் சாரியை பெறுதலும் , அட்டூண்டுழனி என்னும் இயல்பும் , மட்குடம் , மண்குடம் என்னும் உறழ்வும் , இரு வழியிலும் இன்னும் ணகர ஈற்றுள் அடங்காதவை உண்டேல் அவையும் கொள்க .

இயல்பாம் வேற்றுமைக்கு என்றது . " ணனவல்லினம் வரட் டறவும் " என எய்தியது விலக்கல் , ' டவ்வாகலுமாம் அல்வழியும் ' என்றது அல்வழிக்கு அனைத்துமெய் வரினும் இயல்பாகும் என எய்தியதன்மேல் சிறப்பு விதி.