தனித்து இயங்கும் வன்மை உடைய உயிர் எழுத்துக்கள் அவ்வன்மை இல்லாத மெய் எழுத்துக்களுக்கு முன் நிற்பதும் குறிலினது விகாரமே நெடில் ஆதலால் குற்றெழுத்துக்கள் நெட்டெழுத்துக்களுக்கு முன் நிற்பதும் , வலியவர் மெலியவருக்கு முன் நிற்றல் போல வல்லெழுத்துக்கள் மெல்லெழுத்துக்களுக்கு முன் நிற்பதும் சிறப்பினால் எனவும், குற்றெழுத்துக்களுக்குப் பின் அவ் அவற்றிற்கு இனம் ஒத்த நெட்டெழுத்துக்கள் நிற்பதும் வல்லெழுத்துக்களுக்குப் பின் அவ் அவற்றிற்கு இனமொத்த மெல்லெழுத்துக்கள் நிற்பதும் இனத்தினால் எனவும் கொள்க .