இன்னன என்றதனால் சில வருமாறு :-
1. அ , இ , உ என்பன சுட்டுப்பொருளைத் தருவன .

2. எ , ஏ, யா , ஆ , ஓ என்பன வினாப்பொருளைத் தருவன .
3. முன் , பின் என்பன காலப்பொருளையும் இடப்பொருளையும் தருவன .
4. இனி என்பது கால இடங்களின் எல்லைப் பொருளைத் தருவது .
5. தொறும் , தோறும் , என்பன இடப்பன்மைப் பொருளையும் தொழில் பயில்வுப் பொருளையும் தருவன.
6. வாளா , சும்மா என்பன பயன் இன்மைப் பொருளைத் தருவன .
7. ஆவது , ஆதல் , ஆயினும், தான் என்பன விகற்பப் பொருளைத் தருவன . 8. ஐயோ, அந்தோ முதலியவை இரக்கப் பொருளைத் தருவன.
9. ஆ , அம்ம , ஓ , ஓகோ முதலியவை வியப்புப் பொருளைத் தருவன .
10. கூகூ , ஐயோ முதலியவை அச்சப்பொருளைத் தருவன .
11. சீ , சிச்சீ , சை முதலியவை இகழ்ச்சிப் பொருளைத் தருவன.
குறிப்பின்வரும் இடைச் சொற்கள் வருமாறு :-

1. அம்மென , இம்மென , கோவென , சோவென , துடுமென , ஒல்லென , கஃறென , சுஃறென எனவும் , கடகடென , களகளென , திடுதிடென , நெறுநெறென , படபடென எனவும் வருவன ஒலிக்குறிப்புப் பொருளைத் தருவன
2. துண்ணென , துணுக்கென , திட்கென , திடுக்கென என்றால் போல்வன அச்சக் குறிப்புப் பொருளைத் தருவன.
3. பொள்ளென , பொருக்கென , கதுமென , ஞெரேலென , சரேலென என்றால்போல்வன விரைவுக் குறிப்புப் பொருளைத் தருவன.