எச்சம் இறந்த்து தழீஇய எச்சமும் , எதிரது தழீஇய எச்சமும் என இருவகைப்படும் .

1. " மறப்பினும் ஓத்துக் கொளலாகும் ' - இங்கே மறக்கல் ஆகாது என்னும் பொருளைத் தருதலால் எதிர்மறை.

2. " குறவரும் மருளுங் குன்றம் " - இங்கே குன்றின் உயர்வைச் சிறப்பித்தலால் உயர்வுசிறப்பு. " புலையனும் விரும்பாப் புன்புலால் யாக்கை. " இங்கே உடம்பின் இழிவைச் சிறப்பித்தலால் இழிவுசிறப்பு .

3. அவன் வெல்லினும் வெல்லும் - இங்கே துணியாமையை உணர்த்தலால் ஐயம் .

4. சாத்தனும் வந்தான் - இங்கே கொற்றன் வந்தது அன்றி என்னும் பொருளைத் தந்தால் இறந்தது தழீஇயவெச்சம் ; இனிக்கொற்றனும் வருவான் என்னும் பொருளைத் தந்தால் எதிரது தழீஇய எச்சம் .

5. எல்லாரும் வந்தார் - இங்கே எஞ்சாப் பொருளைத் தருதலால் முற்று.

6. இராவும் பகலும் - இங்கே எண்ணுதற்கண் வருதலால் எண்.

7. ஆணுமன்று பெண்ணுமன்று - இங்கே இன்னது எனத் தெரிவித்து நிற்றலால் தெரிநிலை.

8. பாலுமாயிற்று - இங்கே அதுவே மருந்தும் ஆயிற்று என்னும் பொருளைத் தருதலால் ஆக்கம் .