"சுரையாழ அம்மி மிதப்ப வரையனைய - யானைக்கு நீத்து முயற்கு நிலையென்ப - கானக நாடன் சுனை" என வரும். இதனுள், ஆழ என்னும் பயனிலைக்கு இயைந்த அம்மி என்னும் மொழியினை மிதப்ப என்னும் பயனிலைக்கும், மிதப்பவென்னும் பயனிலைக்கு இயைந்த சுரை யென்னும் மொழியினை ஆழவென்னும் பயனிலைக்கும், நீத்து என்னும் பயனிலைக்கு இயைந்த முயல்என்னும் மொழியினை நிலை என்னும் பயனிலைக்கும், நிலை என்னும் பயனிலைக்கு இயைந்த யானை என்னுமொழியினை நீத்து என்னும் பயனிலைக்குமாக மாற்றிக் கூறியவாறு காண்க.