கண் பிறழ்ந்ததோ ,கயல் பிறழ்ந்ததோ , சாத்தன் நல்லனோ கொற்றன் நல்லனோ எனவும். இவ்வாறு வினாவினார்க்குக், கண் பிறழ்ந்தது , கயல் பிறழ்ந்தது ; சாத்தன் நல்லன் கொற்றன் நல்லன் எனவும் வரும். பிறவும் அன்ன, எனவே, கண் பிறழ்ந்ததோ எனச் சினையை வினவுவான் அதனை ஒழித்து அதனை உடையாளைக் கருதி இவள் பிறழ்ந்தாளோ கயல் பிறழ்ந்ததோ என வினவுதலும், இவள் பிறழ்ந்தாள் எனச் செப்புதலும், இவ்வாறு முதலை வினவுவானும் செப்புவானும் அதனை ஒழித்துச் சினையை வினவுதலும் செப்புதலும் வழுவாம் என்பதாயிற்று.