அழிவோடும் என்றமையால் , அழியாமையோடும் அம் ஏற்பவும் உள எனக் கொள்க. வருமெழுத்துச் சொல்லாமையால், நாற்கணத்துள் ஏற்பன கொள்க.

1. வழுதுணை + காய் = வழுதுணங்காய், தாழை + பூ = தாழம்பூ, ஆவிரை + வேர் = ஆவிரம்வேர் என ஈற்று ஐகாரம் கெட்டு அம்முச் சாரியை பெற்றன.

2. புன்னை + கானல் = புன்னையங்கானல், முல்லை + புறவம் = முல்லையம்புறவம் என ஈற்று ஐகாரங் கெடாமல் அம்முச் சாரியை பெற்றன.

ஏற்பவுமுள என்றதனால், முல்லைப்புறவம் என வரினும் கொள்க.

இது எய்தாதது எய்துவித்தல்.