| ஐ ஆய் இகர ஈற்ற மூன்றும் = ஐ , ஆய் , இ என்னும் மூன்று விகுதிகளை இறுதியில் உடைய மொழிகளும், ஏவலின் வரூஉம் எல்லா ஈற்றவும் = விகுதி குன்றாதும் குன்றியும் நிற்பனவாகிய ஏவலிலே வரும் இருபத்துமூன்று ஈற்று மொழிகளும், முப்பால் ஒருமை முன்னிலை மொழி = ஒருவன் , ஒருத்தி , ஒன்று என்னும் மூன்று பால்களுக்கும் பொதுவாகிய முன்னிலை ஒருமை வினைமுற்றும் குறிப்பு முற்றுமாம். இகர விகுதி எதிர்காலத்தை இடைநிலை இன்றித் தானே காட்டுதல் பதவியலில் பெறப்பட்டது. ஏவல் வினைமுற்றுத் தெரிநிலைவினை ஒன்றற்கே உரிமையின், உம்மை கொடுத்துப் பிரித்தார்.
| இ.தெரி. | நி.தெரி. | எ.தெரி. | குறி. | | | உண்டனை | உண்கின்றனை | உண்பை | குழையினை | } நீ | | உண்டாய் | உண்கின்றாய் | உண்பாய் | குழையாய் | | உண்டி | உண்ணாநின்றி | சேறி | வில்லி |
ஆய், இ, அல், ஏல், ஆல் என்னும் விகுதிகளை இறுதியில் உடைய வினைச்சொற்களும், ஆய் விகுதி புணர்ந்து குன்றிப் பகுதி மாத்திரையாய் நிற்கும் வினைச்சொற்களும், முன்னிலை ஏவல் ஒருமைத் தெரிநிலை வினை முற்றுக்களாம். இவற்றுள் , அல், ஏல், ஆல் என்னும் மூன்று விகுதிகளும் எதிர்மறை இடத்து வரும்.
| உண்ணாய் | உண்ணுதி | உண் | } நீ | | உண்ணல் | உண்ணேல் | மறால் |
எதிர்மறை ஏவல் ஒருமை வினைமுற்றுக்கள் உண்ணாதே, உண்ணாதி என , எதிர்மறை ஆகார இடைநிலையின் முன் தகர எழுத்துப்பேற்றோடு, ஏகார விகுதி இகர விகுதிகளுள் ஒன்று பெற்றும் , வரும். 16
|