தொடக்கம்
வேற்றுமை
 
291. ஏற்கும் எவ்வகைப் பெயர்க்கும் ஈறாய்ப் பொருள்
வேற்றுமை செய்வன எட்டே வேற்றுமை		 உரை
   
292. பெயரே ஐ ஆல் கு இன் அது கண்
விளி என்று ஆகும் அவற்றின் பெயர் முறை		 உரை
   
293. ஆறன் உருபும் ஏற்கும் அவ்வுருபே உரை
   
294. நீயிர் நீவிர் நான் எழுவாய் அல பெறா உரை
   
295. அவற்றுள்,
எழுவாய் உருபு திரிபு இல் பெயரே
வினைபெயர் வினாக்கொளல் அதன் பயனிலையே		 உரை
   
296. இரண்டாவதன் உருபு ஐயே அதன்பொருள்
ஆக்கல் அழித்தல் அடைதல் நீத்தல்
ஒத்தல் உடைமை ஆதி ஆகும்		 உரை
   
297. மூன்றாவதன் உருபு ஆல் ஆன் ஓடு ஒடு
கருவி கருத்தா உடனிகழ்வு அதன்பொருள்		 உரை
   
298. நான்கா வதற்கு உருபு ஆகும் குவ்வே
கொடை பகை நேர்ச்சி தகவு அதுவாதல்
பொருட்டு முறை ஆதியின் இதற்கு இது எனல் பொருளே		 உரை
   
299. ஐந்தாவதன் உருபு இல்லும் இன்னும்
நீங்கல் ஒப்பு எல்லை ஏதுப் பொருளே 		உரை
   
300. ஆறன் ஒருமைக்கு அதுவும் ஆதுவும்
பன்மைக்கு அவ்வும் உருபாம் பண்பு உறுப்பு
ஒன்றன் கூட்டம் பலவின் ஈட்டம்
திரிபின் ஆக்கமாம் தற் கிழமையும்
பிறிதின் கிழமையும் பேணுதல் பொருளே		 உரை
   
301. ஏழன் உருபு கண் ஆதி ஆகும்
பொருள்முதல் ஆறும் ஓர் இரு கிழமையின்
இடனாய் நிற்றல் இதன்பொருள் என்ப		 உரை
   
302. கண்கால் கடைஇடை தலைவாய் திசைவயின்
முன்சார் வலம் இடம் மேல்கீழ் புடைமுதல்
பின்பாடு அளைதேம் உழைவழி உழிஉளி
உள் அகம் புறம் இல் இடப்பொருள் உருபே		 உரை
   
303. எட்டன் உருபே எய்துபெயர் ஈற்றின்
திரிபு குன்றல் மிகுதல் இயல்பு அயல்
திரிபுமாம் பொருள் படர்க்கை யோரைத்
தன்முகம் ஆகத் தான் அழைப்பதுவே		 உரை
   
304. இ உ ஊவோடு ஐ ஓ ன ள ர ல
யவ்வீற்று உயர்திணை ஓ ர அல் இவற்றொடு
ணஃகான் ஆ ஈறு ஆகும் பொதுப்பெயர்
ஞ ந ஒழி அனைத்து ஈற்று அஃறிணை விளிப்பன		 உரை
   
305. இம்முப் பெயர்க்கண் இயல்பும் ஏயும்
இகர நீட்சியும் உருபாம் மன்னே		 உரை
   
306. ஐ இறு பொதுப்பெயர்க்கு ஆயும் ஆவும்
உருபாம் அல்லவற்று ஆயும் ஆகும்		 உரை
   
307. ஒருசார் னவ்வீற்று உயர்திணைப் பெயர்க்கண்
அளபு ஈறு அழிவு அயல் நீட்சி அதனோடு
ஈறு போதல் அவற்றோடு ஓ உறல்
ஈறு அழிந்து ஓ உறல் இறுதி யவ்வாதல்
அதனோடு அயல் திரிந்து ஏ உறல் ஈறு அழிந்து
அயல் ஏ ஆதலும் விளி உருபு ஆகும் 		உரை
   
308. ளஃகான் உயர் பெயர்க்கு அளபு ஈறு அழிவு அயல்
நீட்சி இறுதி யவ்வொற்று ஆதல்
அயலில் அகரம் ஏ ஆதலும் விளித்தனு 		உரை
   
309. ரவ்வீற்று உயர் பெயர்க்கு அளபு எழல் ஈற்று அயல்
அகரம் இ ஈ ஆதல் ஆண்டை ஆ
ஈ ஆதல் அதனோடு ஏ உறல் ஈற்று ஏ
மிக்கு அயல் யா கெட்டு அதன் அயல் நீடல்
ஈற்றின் ஈர் உறல் இவையும் ஈண்டு உருபே		 உரை
   
310. லகார ஈற்று உயர்பெயர்க்கு அளபு அயல் நீட்சியும்
யகார ஈற்றிற்கு அளபுமாம் உருபே		 உரை
   
311. னவ்வீற்று உயர்திணை அல் இரு பெயர்க்கண்
இறுதி அழிவு அதனோடு அயல் நீட்சி		 உரை
   
312. ல ள ஈற்று அஃறிணைப் பெயர் பொதுப் பெயர்க்கண்
ஈற்று அயல் நீட்சியும் உருபு ஆகுமே		 உரை
   
313. அண்மையின் இயல்பும் ஈறு அழிவும் சேய்மையின்
அளபும் புலம்பின் ஓவும் ஆகும்		 உரை
   
314. நுவ்வொடு வினாச்சுட்டு உற்ற ன ள ர
வை து தாம் தான் இன்னன விளியா		 உரை
   
315. முதலை ஐ உறின் சினையைக் கண் உறும்
அது முதற்கு ஆயின் சினைக்கு ஐ ஆகும் 		உரை
   
316. முதல் இவை சினை இவை என வேறு உள இல
உரைப்போர் குறிப்பின அற்றே பிண்டமும்		 உரை
   
317. யாதன் உருபின் கூறிற்று ஆயினும்
பொருள்செல் மருங்கின் வேற்றுமை சாரும்		 உரை
   
318. ஐ ஆன் கு செய்யுட்கு அவ்வும் ஆகும்
ஆகா அஃறிணைக்கு ஆன் அல்லாதன		 உரை
   
319. எல்லை இன்னும் அதுவும் பெயர்கொளும்
அல்ல வினைகொளும் நான்கு ஏழ் இருமையும்
புல்லும் பெரும்பாலும் என்மனார் புலவர்		 உரை