:: TVU ::

தலைவியை வாயில்வேண்டல் முதலிய நான்கும் பிறவும் பாகன் தொழில்களாம் என்பது.	....	98
பிரிவுழி விலக்கல் முதலிய நான்கும் பிறவும் தோழிக்கு உரிய தொழில்களாம் என்பது.	....	99
முன்வருநீதி முதலியவற்றை மொழிதலும் பிறவும் செவிலித்தாய்க்கும் அறிவர்க்கும் உரிய தொழில்களாம் என்பது.	....	100
நற்குல மகளிரை இழித்துப் பேசுதலும், மனைவியைப் பழித்தலும், அவளை இடித்துக்கூறலும், மனைவியருக்கு அமைந்த குணங்களும் காமக்கிழத்தியருக்கு உரிய என்பது.	....	101
தலைவனையும் தலைவியையும் இகழ்ந்து தம்மைப் புகழ்ந்து பொருளீட்டிச் சேமித்தலே பரத்தையர் தொழில் என்பது.	....	102
பரத்தையர் காதற்பரத்தையைப் புகழ்ந்து தம்மைத் தாமே ஏசிக்கொள்வதும் உண்டு என்பது.	....	103
இளையராவார், தலைவனை நீங்காத கவசம்போன்ற மெய்க்காவலர் என்பது.	....	104
பாங்கர், தலைவனைப் பாதுகாத்தற்கு என்றே இருமுது குரவரால் ஓம்படை சாற்றப்பட்ட நண்பர் என்பது.	....	105
தோழி, செவிலிமகளாய்த் தலைவிக்கு உசாத்துணையாகி அவள் துன்பம் துடைக்கும் உயிர்த்துணைவி என்பது.	....	106
செவிலி, நற்றாயின் தோழியாய்த் தலைவியை நன்னெறிக்கண் வளர்த்த தாயாவாள் என்பது.	....	107
அறிவராவார், தலைவன்தலைவியருக்கு உறுதிப்பொருள் கூறும் மேம்பட்ட குரவராவார் என்பது.	....	108