ஐயுறு நிலைமை அறிய உரைத்தலும்
     மனைவி போல அல்லவை மொழிதலும்
     விழுப்பம் பேசலும் வேண்டா என்றலும்
     பழித்தகவு உணர்த்தலும் பார்த்துஉறவு உரைத்தலும்
     பொருந்தா என்றலும் பொய்யுரை புரிதலும்
     வருந்தும் என்றலும் வடிவிது என்றலும்
     நின்குறை நீயே சென்றுரை என்றலும்
     சீர்மலர்க் கோதைக்குச் செவ்வியன்று என்றலும்
     நீர்மையன்று என்றலும் நீங்குமின் என்றலும்
     மூரல் முறுவலோடு முகம்மலர்ந்து உரைத்தலும்
     இரங்கி மொழிதலும் ஏத்தி மொழிதலும்
     கலங்கி மொழிதலும் கழறி மொழிதலும்
     வள்ளல் தளர்ச்சியும் மடலேற்று மொழிதலும்
     உள்ளம் குளிர்ப்பித்து ஒண்தழை என்றலும்
     நெஞ்சத்து அடங்கிய நின்றுகுறை ஏற்றலும்
     இன்சொல் இரக்கமும் வன்சொலின் மயக்கமும்
     புகழ்தலும் மயங்கி உரைத்தலும்
     கயற்கண் ஏழையைக் கவற்சி தீர்த்தலும்
     பகற்குறி நேர்தலும் அக்குறி உரைத்தலும்
     பகல்இடம் காட்டலும் சொல்பல உரைத்தலும்
     இற்செறிவு உரைத்தலும் வரைவு கடாவலும்
     இரவரவு இசைத்தலும் வரவு விலக்கலும்
     மற்றவள் தளர்ச்சியும் இரவுக்குறி நேர்தலும்
     எய்துகுறி வினவலும் ஏந்திழை மகிழ்வுடன்
     குறியு ரைத்தலும் அதுகேட்டு உணர்த்தலும்
     மெய்க்குறி உரைத்தலும் மிகுதியில் கொண்டலும்
     ஏந்திழை எடுப்பலும் இடப்புறத்து அகற்றலும்
     பூந்தண் சிலம்பன் புணர்ச்சியது குறியும்
     செவிலியது சேறலும் சென்றெதிர் கோடலும்
     கவ்வை பெரிதுஇவண் கண்டுஅறி என்றலும்
     அம்பலும் அலரும் ஆயின என்றலும்
     வம்புஅலர் கோதை வாட்டம் கூறலும்