இது வரைதல்வேட்கை விரி இத்துணைத்து என்கின்றது.

     இ-ள் பருவரல் வினவிய பாங்கிக்கு இறைவி அருமறை செவிலி
 அறிந்தமை கூறல் முதலாகக் குரவரை வரைவு எதிர்கொள்ளுவித்தல் ஈறாகச்
 சொல் பெற வகுத்த பதினெட்டுக் கிளவியும் வரைதல் வேட்கை விரியாம்
 என்றவாறு.

 1 தன் மனத்துயரம் பற்றி வினவிய தோழிக்குத் தலைவி தன்
   களவுஒழுக்கத்தைச் செவிலி அறிந்த செய்தியைக் கூறல்.

 2 தலைவன் இரவுக்குறிக்கண் அரிய வழியில் வருதற்கு அரிதாய்
   இருத்தலைத் தலைவி தோழிக்குக் கூறல்.

 3 தலைவி தோழியோடு தலைவன் ஊருக்குச் செல்ல ஒருப்படுதல்.

 4 தோழி தலைவனுடைய வரையாமையாகிய கொடுமையை எடுத்துக்கூறி
   அவனைப் பழித்தல்.

 5 "தலைவன் நற்குணம் உடையவனே" என்பதனைத் தலைவி தோழிக்கு
   விளங்கக் கூறுதல்.

 6 தலைவனைக் காணும் கனவு தன்னைத் துன்புறுத்துகின்றது
   என்பதனைத் தலைவி தோழியிடம் கூறுதல்.