தெய்வம் வாழ்த்தலும்³ இவ்வொரு மூன்றும்
   செவிலி அறத்தொடு நிற்றலின் கவலையில்
   பாங்கி தன்னொடும்⁴ பாங்கியர் தம்மொடும்⁵
   அயலார் தம்மொடும்⁶ பயில்இடம் தன்னொடும்⁷
   தாங்கலள் ஆகிச் சாற்றிய நான்கும்
   நிமித்தம் போற்றலும்⁸ சுரம்தணி வித்தலும்⁹
   தன்மகள் மென்மைத் தன்மைக்கு இரங்கலும்¹⁰
   இளமைத் தன்மைக்கு உளம்மெலிந்து இரங்கலும்¹¹
   அச்சத் தன்மைக்கு அச்சமுற்று இரங்கலும்¹²
   ஆகிய ஐந்தும் போகிய இறைமகள்
   ஆயமும் தாயும் அழுங்கக் கண்டு
   காதலின் இரங்கும் கண்டோர் இரக்கமும்¹³
   ஆற்றாத் தாயைத் தேற்றலும்¹⁴ ஆற்றிடை
   முக்கோல் பகவரை வினாதலும்¹⁵ மிக்கோர்
   ஏதுக் காட்டலும்¹⁶ எயிற்றியொடு புலம்பலும்¹⁷
   குரவொடு புலம்பலும்¹⁸ சுவடுகண்டு இரங்கலும்¹⁹
   கலந்துஉடன் வருவோர்க் கண்டுகேட் டலும்²⁰ அவர்
   புலம்பல் தேற்றலும்²¹ புதல்வியைக் காணாது
   கவலைகூர் தலும்²² புதல்வியைக் காணாது
   கவலைகூர் தலும்²² எனும் இவைஒன் பானும்என்று
   இத்திறம் இயம்பிய எழுமூன்றும் ஒன்றும்
   கற்பொடு புணர்ந்த கவ்வையின் விரியே.

   இது கற்பொடு புணர்ந்த கவ்வையின் விரி இத்துணைத்து என்கின்றது.

   (இ-ள்) வினவிய பாங்கியின் உணர்ந்த காலை இனையல் என்போர்க்கு
எதிர் அழிந்து மொழிதல் முதலாகத் தெய்வம் வாழ்த்தல் ஈறாகச்
சொல்லப்பட்ட இவ்வொருமூன்றும்.

   செவிலி அறத்தொடு நிற்றலின் கவலையில் பாங்கிதன்னொடு புலம்பல்
முதலாகப் பயில் இடம்தன்னொடு புலம்பல் ஈறாகச் சொல்லப்பட்ட நான்கும்,