வஞ்சி வணங்கார் வணக்கிய வண்டார்ப்பக்
      குஞ்சி மலைந்தானெங் கோ”                [பு. வெ. வஞ். 1]
எனவரும்.

      2. ஓடாப்படை யியங்கரவத்திற்குச் செய்யுள்:-

      “பௌவம் பணைமுழங்கப் பற்றார்மண் பாழாக
      வவ்விய வஞ்சி வலம்புனையச்-செவ்வே
      லொளிறும் படைநடுவ ணூழித்தீ யன்ன
      களிறுங் களித்ததிருங் கார்”                [பு. வெ. வஞ். 2]
எனவரும்.

      3. குடைநாட்கோடற்குச் செய்யுள்:-

      “முன்னர் முரசிரங்க மூரிக் கடற்றானைத்
      துன்னருந் துப்பிற் றொழுதெழா-மன்ன
      ருடைநா ளுலந்தனவா லோதநீர் வேலிக்
      குடைநா ளிறைவன் கொள”                [பு. வெ. வஞ். 3]
னவரும்.

      4. வாணாட்கோடற்குச் செய்யுள்:-

      “அறிந்தவ ராய்ந்தநா ளாழித்தேர் மன்ன
      னெறிந்தில கொள்வா ளியக்க-மறிந்திகலிப்
      பின்பகலே யன்றியும் பேணா ரகநாட்டு
      நன்பகலுங் கூகை நகும்”                  [பு. வெ. வஞ். 4]

எனவரும். பின்பகல், இரவு.

      5. கொற்றவை நிலைக்குச் செய்யுள்:-

      “அணங்குடை நோலை பொரிபுழுக்கல் பிண்டி
      நிணங்குடர் நெய்த்தோர் நிறைத்துக்-கணம்புகலக்
      கையிரீஇ மண்டைக் கணமோடி காவலற்கு
      மொய்யிரியத் தான்முந் துறும்”              [பு. வெ. வஞ். 5]

எனவரும். நோலை, எட்கசிவு.

      6. வெற்றிவேலுழவர் செய்தொழில் கூறிய மற்றதன் பகுதிக்குச்
செய்யுள்:-