வாடிரிய வண்டிமிருஞ் செம்ம லடையார்நாட்
     டோடெரியுள் வைகின வூர்”                 [பு. வெ. வஞ். 14]

எனவரும்.

     15. குறுகலரருமுனை கொள்ளைசாற்றி மறுகுறக்கவர்ந்த மழபுல
வஞ்சிக்குச் செய்யுள்:-^*

     “களமர் கதிர்மணி காலேகஞ் செம்பொன்
     வளமனை பாழாக வாரிக்-கொளன்மலிந்து
     கண்ணார் சிலையார் கவர்ந்தார் கழல்வேந்த
     னண்ணார் கிளையலற நாடு”                 [பு. வெ. வஞ். 15]

எனவரும்.

     16. நீடவுங் குறுகவு நிவப்பவுந் தூக்கிப் பாடிய பாணர்க்குப்
பயந்த கொடை வஞ்சிக்குச் செய்யுள்:-

     “சுற்றிய சுற்ற முடன்மயங்கத் தம்வயி
     றெற்றி மடவா ரிரிந்தோட-முற்றிக்
     குரிசி லடையாரைக் கொண்டகூட் டெல்லாம்
     பரிசின் முகந்தன பாண்”                    [பு. வெ. வஞ். 16]

எனவரும்.

      17. மடுத்தவேந்தற்கு வழங்குவ வழங்கிக் குடிக்கருள்சுரந்த
குறுவஞ்சிக்குச் செய்யுள்:-

      “தாட்டாழ் தடக்கைத் தனிமதி வெண்குடையான்
      வாட்டானை வெள்ளம் வரவஞ்சி-மீட்டான்
      மலையா மறமன்னன் மால்வரையே போலுங்
      கொலையானை பாய்மா கொடுத்து”          [பு. வெ. வஞ். 17]

எனவரும்.

       18. மட்டூர்தெரியல் மறங்கெழுவேந்தன் கட்டூர்வகைமை
கட்டுரைத்த பக்கத்திற்குச் செய்யுள்:-

      “அவிழ்மலர்க் கோதைய ராட வொருபா
      லிமிழ்முழவ மியாழோ டியம்பக்-கவிழ்மணிய
      காய்கடா யானை யொருபாற் களித்ததிரு
      மாய்கழலான் கட்டூ ரகத்து”                 [பு. வெ. வஞ். 18]

எனவரும்.

^* தண்ணடை நல்கல்-மருதநிலங்களைத்தருதல்;-புறநா. 285, 287, 297.