9. மற்றவைநிரைத்த அத்துறைப் பகுதிக்குச் செய்யுள்:-

     “கணனார்ந் துவப்பக் கடுங்கண் மறவர்
     பிணனார்ந்து பேய்வழங்கு ஞாட்பி-னிணனார்
     விழுக்கினால் வேய்ந்த விறல்வேலோர் கல்லை
     யொழுக்கினா ரொன்றொருவர் முன்”          [பு. வெ. பொது. 11.]

எனவரும்.

     10. கல் நாட்டுதற்குச் செய்யுள்:-

     “மாலை துயல மணியெறிந்து மட்டுகுத்துப்
     பீலி யணிந்து பெயர்பொறித்து-வேலவரு
     ளாண்டக நின்ற வமர்வெய்யோற் காகென்று
     காண்டக நாட்டினார் கல்”                   [பு. வெ. பொது. 12]

எனவரும்.

     11. கன்முறைபழிச்சற்குச் செய்யுள்:-

     “அடும்புகழ் பாடி யழுதழுது நோனா
     திடும்பையுள் வைகிற் றிருந்த-கடும்பொடு
     கைவண் குரிசிற்கற் கைதொழூஉச் செல்பாண
     தெய்வமாய் நின்றான் றிசைக்கு”              [பு. வெ. பொது. 13]
எனவரும். கடும்பு - குடும்பம்.

     12. பொன்னார் இற்கொடுபுகுதற்குச் செய்யுள்:-

     “வாட்புகா வூட்டி வடிமணி நின்றியம்பக்
     கோட்புலி யன்ன குரிசிற்க-லாட்கடிந்து
     விற்கொண்ட வென்றி விறன்மறவ ரெல்லோரு
     மிற்கொண்டு புக்கா ரியைந்து”                [பு. வெ. பொது. 14]

எனவரும்.

     13. நனிமிகுசுரத்திடைக் கணவனையிழந்து தனிமகள் புலம்பிய
முதுபாலைக்குச் செய்யுள்:- ²

     “நீர்மலி கண்ணொடு நின்றே னிலையிரங்காய்
     தார்மலி மார்பன் றகையகலஞ்-சூர்மகளே

   (பா - ம்.) ^* வாட்பட்டி.
   வெ. மாலை யாசிரியர் இது முதல் சிறப்பிற் பொதுவியல் என்று  
கூறுவர்.
   புறநா. 253 - 256.