22. கொடியான் கூர்ங்கணை குளிப்பத்தன்றொழில் முடியானவிந்த
அத் துறைப்பகுதிக்குச் செய்யுள்:-

     “முந்தத்தான் மாவொடு புக்கு முனையமருட்
     சிந்தத்தான் வந்தார் செருவிலக்கிக்-குந்தத்தாற்
     செல்கணை மாற்றிக் குரிசில் சிறைநின்றான்
     கொல்கணைவாய் வீழ்தல் கொடிது”        [பு. வெ. சி. பொது. 10]

எனவரும். சிறை - கரை.

     23. ஆடமைத்தோளி விரிச்சியுஞ்சோகியும் வேறுபட வஞ்சி
விதும்பா னந்தத்திற்குச் செய்யுள்:-

     “வேந்தார்ப்ப வெஞ்சமத்து வேலழுவந் தாங்கினான்
     சாந்தா ரகலத்துத் தாழ்வடுப்புண்-டாந்தணியா
     மன்னா சொகின மயங்கின வாய்ப்புளு
     மென்னாங்கொல் பேதை யினி”            [பு. வெ. சி. பொது. 11]

எனவரும்.

     24. தவப்பெரியதோர் வெஞ்சமங்குறுகும் அவற்கிரங்கிய
அத்துறைப் பகுதிக்குச் செய்யுள்:-

     “^*இன்னா சொகின மிசையா விரிச்சியு
     மன்னா வலமருமென் னாருயிரு-மென்னாங்கொ
     றொக்கார் மறமன்னர் தோலாத் துடிகறங்கப்
     புக்கான் விடலையும் போர்க்கு”            [பு. வெ. சி. பொது. 12]

எனவரும்.

     25. தலைவன்விண்புக உயிர் தாங்கினனென்றணங்கு
அலமரலெய்திய ஆனந்தப்பையுளுக்குச் செய்யுள்:- ¹

     “புகழொழிய வையகத்துப் பூங்கழற் காளை
     திகழொளிய மாவிசும்பு சேர-விகழ்வார்முன்
     கண்டே கழிகாத லில்லையாற் கைசோர்ந்து
     முண்டே யளித்தென் னுயிர்”              [பு. வெ. சி. பொது. 13]

எனவரும்.

     26. கொடித்தேர் மன்னவன் மாய்ந்தெனக்குறைவுற்று அடுத்தோர்
புலம்பிய கையறுநிலைக்குச் செய்யுள்:- ²

   (பா - ம்.) ^* இன்னாத சோகி.
   ¹ புறநா. 228, 229 முதலிய 5 பாடல்கள்.
   ² ” 65, 112 - 120 முதலிய 41 பாடல்கள்.