ஒரு செய்தியைக் கூறத் தொடங்கி அதனை நன்கு விளக்கிக் கூறுவதற்கு
 உலகறிந்த பிறிது ஒருசெய்தியைக் குறிப்பிடுவது வேற்றுப்பொருள் வைப்பணியாம்.
 அவ்வணி - முழுவதும் சேறல், ஒருபுடைச் சேறல், மாறுபட்டுத் தோன்றுதல்,
 சிலேடையான் வேற்றுப்பொருள் அமைத்தல், உலக இயற்கைக்குப் பொருந்தாத
 இயற்கை, உலகியலுக்குப் பொருந்தும் இயற்கை, உலகியலுக்குப் பொருந்துதலும்
 பொருந்தாமையும் ஆகிய இருமை இயற்கை, உலக இயலுக்கு அடியோடு மாறுபடும்
 விபரீதப் படுதல் என எட்டு வகைப்படும்.

     வெளிப்படையாகவோ குறிப்பாகவோ ஒப்புமையுடைய இரு பொருள்களை
 ஒருபொருளானும் இருபொருளானும் மிகுதி குறைவுகளானும் வேறுபடுத்துக்காட்டு
 வேற்றுமையணி - குணம், பொருள், சாதி, தொழல் என்ற நான்கனையும்
 நிலைக்களனாகக் கொண்டு தோன்றும்.

      ஒருபொருளின் செயலைக் குறிப்பிடுங்கால், அச்செயலுக்குப் பலரும் அறியும்
 காரணத்தை விடுத்து வேறோரு காரணத்தை இயல்பாகவோ குறிப்பாகவோ
 புலப்படுமாறு உரைக்கும் அணி விபாவனை அணி ஆகும்.

     கவி தான் கூறத் கருதிய பொருளை மறைத்து அதனைக் குறிப்பாக
 வெளிப்படுத்துவதற்கு அதற்கு ஒப்புமையான பிறிது ஒருபொருளைக் கூறுவது
 ஒட்டணியாகும். கூறும் பொருளும் அதன் அடைகளும் கருதும் பொருளுக்கும்
 வேறுபடத் தொடுத்தல், அடை கூறும் பொருளுக்கும குறிப்பிடக் கருதும்
 பொருளுக்கும்.