என வரும்.

     [நாண் பூட்டாத வில்லை வளைத்துக் கார்மேகக்குழாம் கூர்மை ஆக்கப்படாத
 அம்புகளைச் (மழைத்துளிகளை) சிதறத்தொடங்கி விட்டது. கூட்டம் கூட்டமாக
 மயில்கள் காணும் ஆற்றலற்ற தம்பீலிக்கண்களை விரித்து ஆடத்தொடங்கிவிட்டன.
 இக் கார் காலம் தலைவி உயிருக்கு ஏதம் தருமே" என்ற கடும்பழிக்கு
 நாணுதலின்றித் தலைவன் சென்ற வேற்றுப்புலத்திலேயே தங்கி விட்டான் -
 என்ற இப்பாடலில்,

     வில்லை நாண் பூட்டாது வளைத்தல், தீட்டாத அம்பு சிதறுதல், காணாத
 கண்களைப் பரப்புதல் என்பன வில், அம்பு, கண் இவற்றின் வினைகளை
 மறுத்துரைப்பதன் வாயிலாக, இந்திரவில் - மழைத்துளி - பீலிக்கண் என்று கவி
 குறிப்பால் கூறக்கருதிய பொருளைப்
 புலப்படுத்தவாறு காண்க.]