என வரும்.

     [தோழீ ! பண்டு போர்தொழிலை வேட்ட மேம்பட்ட புகழை உடையவன், யாம்
 முற்காலத்து விரும்பி மாலையிட்ட தோள்களை உடைய நம் தலைவன், நாம் விரும்பிய
 கலவியினை நிகழ்த்தும் பொழுதும் நம் மென்மை குன்றாதபடி நடந்து கொள்கிறான்" --
 என்ற தலைவிகூற்றாக அமைந்த இப்பாடலில்,

     தலைவி தன்வசம் இழக்கும் வகையில் கலவி நிகழ்த்தாத மென்மை ஆடவருக்குக்
 குறைவு தருவதாகலின், இது புகழ்வது போலப் பழிப்பதாயிற்று. போர்க்களத்தில் வாகை
 சூடியவன் சேக்கைப் போரில் திறலை வெளிப்படுத்துபவன் அல்லனாயினான் என்பது.
 இதன்கண் தலைவன் சாயலைத் தளராமல் தாங்குகிறான் என்று புகழ்வதுபோல அவன்
 சிறந்த சுவைஞன் அல்லன் என்பதனைப் புலப்படுத்தியது காண்க.]