முகப்பு பக்கம் எண் :
தொடக்கம்

 அணியியல் - பொது

33 

விளக்கம்

     அகம் புறம் என்ற இரண்டும் வகைபட வந்த அணிநலம் தழீஇச் செய்யுள்
 இடவயின் புல்லிய நெறியின ஆதலின், செய்யுளை விளக்கி நிற்பதும் அணி
 என்பதனை உட்கொண்டு, எழுத்துப்படலத்தினுள் வல்லோர் அணிபெறச் செய்வன
 செய்யுள் என்று கூறியதற்கு ஏற்பப் பொருளைப் புலப்படுப்பதும் செய்யுளை
 விளக்குவதும் ஆகிய அணி பற்றிய இயலைப் பொருட்பகுதிக்கும் செய்யுட்பகுதிக்கும்
 இடையே வைத்து அது பொருளுக்கும், பொருட்கு இடனாகும் செய்யுட்கும்
 உபகாரப்படுமாற்றைச் சிங்க நோக்காகக் கொள்ளவைத்துள்ளார்.பொருட்கு இடம்
 செய்யுள் ஆதலின், அச்செய்யுள் பற்றி அமைந்த செய்யுளியலும் பொருட்படல
 இயல்களுள் ஒன்றாயிற்று என்பதும் அறிக.                                  2

செய்யுள் - நால்வகை

 622. செய்யுள் என்பவை தெரிவுஉறக் கிளப்பின்
       முத்தகம் குளகம் தொகைதொடர் நிலைஎன
       எத்திறத் தனவும் ஈரிரண்டு ஆகும்.

     செய்யுள் உணர்ந்தே அணி உணரவேண்டுதலின், இஃது ஈண்டு ஒருவாற்றான்
 அவற்றிற்குப் பெயரும் முறையும் தொகையும் கூறுகின்றது.

     இ-ள்: செய்யுள் என்று முன் கூறப்பட்டவற்றை விளங்கக் கூறும்  இடத்து,
முத்தகச் செய்யுளும் குளகச் செய்யுளும் தொகைநிலைச் செய்யுளும் தொகைநிலைச்
செய்யுளும் தொடர்நிலைச் செய்யுளும் என மேல் செய்யுளியலுள் கூறும் பல்வேறு
வகைப்பட்ட செய்யுட்களும் நான்காம் என்றவாறு.                      (3) 

  5-6 
முன் பக்கம் மேல் அடுத்த பக்கம்