ஒரடி மடக்கு 4, ஈரடி மடக்கு 6, மூவடி மடக்கு 4, நான்கடி மடக்கு 1 ஆக
 15. இவற்றை ஆதி, இடை, கடை, ஆதியோடு இடை, ஆதியோடு கடை,
 இடையோடு கடை, முழுதும் - என்ற ஏழால் பெருக்க - 15x7 = 105 ஆகும்.
 இவற்றை இடையிட்டு வருவன, இடையிடாது வருவன, இடையிட்டும் இடையிடாதும்
 வருவன - என்ற மூன்றால் பெருக்க 105x7 = 315 ஆகும். இவை இலக்கண
 அளவினவே யன்றி இவற்றிற்கெல்லாம் உதாரணம் காண்டல் அரிது.

     ஒப்பின் முடித்தல் - ஒன்றற்குச் சொல்லும் இலக்கணம் பிறிது ஒன்றற்கும்
 பொருந்துமாயின் அதற்கும் அதனையே இலக்கணமாகக் கொண்டு கூறுதல்.
 தொடைக்கு ஓதப்படும் இலக்கணம் மடக்கிற்கும் கொள்ளப்பட்டடுள்ளது.