பொருளினால் தொடர்வன - ஒரு செய்தியைப் பற்றித் தொடர்ந்து பாடப்படும்
 பாடல்களின் தொகுப்பாகிய சீவக சிந்தாமணி, இராமாவதாரம் போல்வன. இவையே
 கற்பார்க்குப் பெருவிருந்தாகும்.

     சொல்லால் தொடர்வன - பொருள் தொடர்பு எதுவும் இன்றி முதற்பாடலின்
 ஈற்றுச்சீரோ சொல்லோ எழுத்தோ அடுத்த பாடலின் முதற்சீராகவோ சொல்லாகவோ
 எழுத்தாகவோ முறையே அமையுமாறு அந்தாதித் தொடையால் பாடப்படும் கலம்பகம்
 போல்வன.

     பொருளினாலும் சொல்லினாலும் தொடர்வன - தம் ஆன்மீக அனுபவத்தைச்
 சடகோபர் அந்தாதித் தொடையில் தொடர்ச்சியாக அருளிச் செய்த
 திருவாய்மொழி போல்வன.