அங்ஙனமே பொருளணி 30 என்று கணக்கிட்டுச் சித்திர கவியையும்
 பொருளணியில்அடக்கி அணிகளின்தொகை அறுபது என்று குறிப்பிட்டுள்ளார்.

 அணியிலக்கணம் :  

     19-ஆம் நூற்றாண்டின் முற்பகுதியில் எழுந்த அணியிலக்கணம் என்ற இந்நூற்
 பகுதியில் பொருளணிகள் 102 சுருக்கமாக எடுத்துக்காட்டுக்களுடன் சுட்டப்பட்டுள்ளன.
 இவ்வணியிலக்கணம் சந்திராலோகம் என்ற வடமொழி அணியிலக்கணத்தைத் தமிழ்
 மரபுக்கு ஏற்ப ஆக்கியது என்று கருதப்படுகிறது.

 சந்திராலோகம் :

     அணியிலக்கணம் உரைநடையில் அணிகளை விளக்கிச் செல்வதால் அதற்கு
 நூற்பா யாத்து வழங்கியதுபோல, சதாவதானம் முத்துசாமி ஐயஙகார் அவர்களால்
 19-ஆம் நூற்றாண்டின் பிற்பகுதியில் இயற்றப்பட்ட சந்திராலோகம் என்ற இந்த
 அணிநூல் 126 நூற்பாக்களில் அணியிலக்கணம் குறிப்பிடும் கலவையணிகள் இரண்டும்
 நீங்கலான ஏனைய நூறு அணிகளுக்கும் இலக்கணம் வகுத்துச் செல்கிறது.

 குவலயானந்தம்:

     சந்திராலோகத்தை விரித்து அப்பைய தீக்ஷிதர் இயற்றி விளக்கிய
 குவலயானந்தத்தின் மொழிபெயர்ப்பு 18-ஆம் நூற்றாண்டின் இறுதியில் இயற்றப்பட்டு,
 19-ஆம் நூற்றாண்டு இறுதியில் விளக்கவுரையுடன் வெளிவந்துள்ளது. இது
 பொருளணிகள் நூற்றிருபதனை நுவல்கிறது.

 முத்துவீரிய அணியதிகாரம் :

     பத்தொன்பதாம் நூற்றாண்டின் இடைக்காலத்தில் புகழ் பெற்று விளங்கிய
 முத்துவீரிய உபாத்தியாயர் வரைந்த முத்து